လဲၤလဲၤပတာ်ဆူ တၢ်ဂ့ၢ်ခိၣ်တီမိၢ်ပှၢ်
တၢ်ဂ့ၢ်ခိၣ်တီမိၢ်ပှၢ်

ပတၢ်မၤဂ့ၤထီၣ်တၢ်အကံၢ်စီအတၢ်တိာ်ကျဲၤ

ဖဲ UnitedHealthcare (UHC) န့ၣ်, ပတၢ်ကွၢ်စိ မ့ၢ်ဒ်သိးကမၤစၢၤဒုးအိၣ်မူဘၣ်ပှၤ ပှဲၤဒီးတၢ်အိၣ်ဆူၣ်အိၣ်ချ့ ဒီးဆူၣ်ချ့ဂ့ၢ်၀ီတၢ်ဖံးတၢ်မၤအကျိၤကျဲ မၤတၢ်ဂ့ၤထီၣ်လၢပှၤကိးဂၤဒဲးအဂီၢ်န့ၣ်လီၤႋ ပမၤစၢၤ Medicaid ဒီး MinnesotaCare ကရူၢ်ဖိတဖၣ် လၢကီၢ်ရ့ၣ် Anoka, Carver, Dakota, Hennepin, Ramsey, Scott, Washington ဒီး St. Louis အပူၤန့ၣ်လီၤ. လၢ St Louis ကီၢ်ရ့ၣ်ခီးထံၣ် အပူၤ ပမၤစၢၤစ့ၢ်ကီး ကရၢဖိတဖၣ် ဒီး SNBC, MSHO, ဒီး MSC+န့ၣ်လီၤ. တကးဒံးဘၣ်, ပမၤစၢၤစ့ၢ်ကီး ကရၢဖိတဖၣ်အိၣ်ဒီး SNBC လၢကီၢ်ရ့ၣ် Scott အပူၤန့ၣ်လီၤ. United HealthCare ထီဘိမၤတၢ် လၢကမၤဂ့ၤထီၣ် တၢ်အိၣ်ဆူၣ်အိၣ်ချ့တၢ်ကွၢ်ထွဲ အကံၢ်အစီ ဒီး တၢ်မၤစၢၤတၢ်မၤတဖၣ် လၢပကရၢဖိတဖၣ် မၤန့ၢ်၀ဲဒၣ်န့ၣ်လီၤ. 

ပဃုသ့ၣ်ညါတၢ်ကီတၢ်ခဲတဖၣ်ဒီးဘှီဘၣ်အီၤဒ်လဲၣ်

  • ပစူးကါကျဲတဖၣ် ဒ်အမ့ၢ် တၢ်ဂ့ၢ်ထၢဖှိၣ်ဒီးတၢ်ဃုသ့ၣ်ညါ လၢကထံၣ်ဘၣ် တၢ်လီၢ်ဟီၣ်က၀ီၤ မ့တမ့ၢ် ပှၤအကရူၢ်တဖၣ် လၢလိၣ်ဘၣ်အါထီၣ်တၢ်မၤစၢၤန့ၣ်လီၤႋ
  • ပမၤသကိးတၢ်ဒီး ပှၤမၤစၢၤဖံးမၤတၢ်တဖၣ် ဒီး ကရူၢ်ဖိတဖၣ် ဒ်သိးကမၤလီၤတံၢ်လၢ ကရူၢ်ဖိတဖၣ် ဒိးန့ၢ်ဘၣ်တၢ်ကွၢ်ထွဲ လၢအ၀ဲသ့ၣ်လိၣ်ဘၣ်၀ဲ ဖဲအ၀ဲသ့ၣ်လိၣ်ဘၣ်၀ဲအခါန့ၣ်လီၤ.
  • ပဟ့ၣ်ခီနီၤလီၤတၢ်မၤလိမၤဒိး အတၢ်ပီးတၢ်လီတဖၣ် ဒီးပှၤမၤစၢၤဖံးမၤတၢ်ဒီးကရူၢ်ဖိတဖၣ်န့ၣ်လီၤ.
  • ပဟ့ၣ် ကျိၣ်စ့ခိၣ်ဖးလၢကဟ့ၣ်သဆၣ်ထီၣ် တၢ်ကွၢ်ထွဲလၢအဂ့ၤထီၣ်ဂီၢ်န့ၣ်လီၤ.
  • ကရၢဖိတဖၣ်လၢအိၣ်ဒီးတၢ်လိၣ်ဘၣ်အါမံၤအါကထၢ လၢအဒိးန့ၢ်ဘၣ်တၢ်ဆီၣ်ထွဲမၤစၢၤလၢပပှၤရဲၣ်ကျဲၤတၢ်ဂ့ၢ်တဖၣ်န့ၣ်လီၤႋ
  • ပထံၣ်လိာ်သးဒီး ပကရၢဖိတဖၣ်လၢပှၤတ၀ၢအပူၤန့ၣ်လီၤႋ
  • ပၤသကိးတၢ်ဒီးလီၢ်က၀ီၤကရူၢ်တဖၣ်လၢဆီၣ်ထွဲမၤစၢၤပှၤတ၀ၢတဖၣ်လၢ မၤစၢၤအီၤန့ၣ်လီၤႋ

United Healthcare တၢ်အကံၢ်အစီ တၢ်ပညိၣ်ဖီတၢၣ်တဖၣ်

  • မၤဂ့ၤထီၣ် ပှၤအတၢ်အိၣ်ဆူၣ်အိၣ်ချ့ တၢ်ပၢဆှၢရဲၣ်ကျဲၤတၢ်တိာ်ကျဲၤ ဒီးတၢ်ဟူးတၢ်ဂဲၤတဖၣ်
  • မၤဂ့ၤထီၣ် ကရူၢ်ဖိ ဒီး ပှၤဟ့ၣ်တၢ်မၤစၢၤ တၢ်လဲၤခီဖျိ
  • လူၤပိာ်မၤထွဲ တၢ်ပာ်ပနီၣ်ပာ်ကဲဒီးတၢ်ဟ့ၣ်လီၤတၢ်တမံၤမံၤလၢပှၤအါဂၤနာ်န့ၢ် ဒီးတၢ်လိၣ်ဘၣ်လၢအဘၣ်ဃးဒီးတၢ်ဖီၣ်ဃံးတၢ်သိၣ်တၢ်သီ
  • မၤစၢၤ ပှၤအကလုာ်ကလုာ်

တၢ်မၤဂ့ၤထီၣ်တၢ်အကံၢ်စီတၢ်တိာ်ကျဲၤတဖၣ်

ဟံၣ်ဖိဃီဖိဒီးဖိသၣ်တဖၣ်

တၢ်ဂ့ၢ်တၢ်ကျိၤလၢကဟဲခါဆူညါ

ပှၤသးပှၢ်တဖၣ်

တၢ်ဂ့ၢ်တၢ်ကျိၤလၢကဟဲခါဆူညါ

တၢ်ရဲၣ်ကျဲၤကွၢ်ထွဲတၢ်အကံၢ်စီတၢ်တိာ်ကျဲၤ

တၢ်ဂ့ၢ်တၢ်ကျိၤလၢကဟဲခါဆူညါ

တၢ်ဂ့ၢ်တၢ်ကျိၤလၢကဟဲခါဆူညါ

တၢ်ဂ့ၢ်တၢ်ကျိၤလၢကဟဲခါဆူညါ

S.T.O.P. COVID တၢ်တိာ်ကျဲၤ

ဖဲ COVID-19 တၢ်ဆါသတြိာ်စးထီၣ်အခါ, တၢ်အံၤဖျိဖျိဖျါဖျါလၢ တၢ်အိၣ်ဒီး တၢ်အိၣ်ဆူၣ်အိၣ်ချ့ တၢ်လီၤဆီတဖၣ်လၢ BIPOC ပှၤတ၀ၢတဖၣ်အဂီၢ်န့ၣ်လီၤ. တၢ်အံၤတၢ်ဃုထံၣ်အီၤလၢ တၢ်သမံသမိး ဒီး COVID-19 တၢ်ဂ့ၢ်ခံခါလၢာ်အပူၤန့ၣ်လီၤ. BIPOC ပှၤတ၀ၢတဖၣ် အိၣ်ဒီး တၢ်အစၢပိာ်ထွဲထီၣ်လၢအနးထီၣ်တဖၣ်န့ၣ်လီၤ. တၢ်အံၤတၢ်ဃုထံၣ်စ့ၢ်ကီးအီၤလၢ ပှၤလၢအလဲၤဆူ တၢ်ဆါဟံၣ်, ဒီး COVID တၢ်သံတၢ်ပှၢ်တဖၣ်န့ၣ်လီၤ. ပထံၣ်ဘၣ်လၢ ပစူးကါပတၢ်မၤစၢၤတဖၣ် လၢကမၤစၢၤ ပာ်ဖျါထီၣ် တၢ်လီၤဆီ၀ဲန့ၣ် သ့န့ၣ်လီၤ.

ပသ့ၣ်ညါလၢ ပှၤတ၀ၢတဖၣ်သ့ၣ်ညါလၢ အ၀ဲသ့ၣ် အတၢ်ကီတၢ်ခဲ ဒီးနၢ်ပၢၢ်တၢ်မၤစၢၤလၢအ၀ဲသ့ၣ်လိၣ်ဘၣ်၀ဲန့ၣ်လီၤ. ပဆဲးကျၢဒီးပှၤတ၀ၢပှၤမၤသကိးတၢ်တဖၣ် လၢကနၢ်ပၢၢ်ဂ့ၤထီၣ် တၢ်လၢအ၀ဲသ့ၣ်လိၣ်ဘၣ်၀ဲတဖၣ်န့ၣ်လီၤ. ပရဲၣ်ကျဲၤတ့ၢ် ပတၢ်စံးဆၢဒီး အ၀ဲသ့ၣ် အတၢ်ထံၣ်တၢ်ဆိကမိၣ်န့ၣ်လီၤ. ပသူၣ်ထီၣ် ပတၢ်ဆီၣ်ထွဲလၢ ပှၤတ၀ၢ-ဒိးသန့ၤ ကရူၢ် လၢအရ့ဒိၣ်တဖၣ်အဖီခိၣ်န့ၣ်လီၤ. ပဒုးပၣ်ဃုာ် တၢ်နာ်-ဒိးသန့ၤ ကရူၢ်ဒီးဒုးပၣ်ဃုာ် တၢ်အိၣ်ဆူၣ်အိၣ်ချ့စဲထၢၣ်လၢအိၣ်ဒီးအကံၢ်အစီ လၢဖဲၣ်ဒရၢၣ်ကီၢ်စၢဖှိၣ်တကပၤ န့ၣ်လီၤ. ဒီး ပဒုးပၣ်ဃုာ် လီၢ်က၀ီၤပဒိၣ်န့ၣ်လီၤ. တၢ်လိၣ်ဘၣ် တၢ်စံးဆၢတဖၣ် လၢကပညိၣ်တၢ်လၢ ပှၤတ၀ၢအဖီခိၣ်န့ၣ်လီၤ.

ပဃုထံၣ်လၢ ပမၤစၢၤဒီး တၢ်လီၤဆီတဖၣ်လၢ တၢ်သမံသမိးအပူၤသ့န့ၣ်လီၤ. ဘၣ်ဆၣ် ပပှၤတ၀ၢတဖၣ် တဲဘၣ်ပှၤလၢ အ၀ဲသ့ၣ် လိၣ်ဘၣ်အါန့ၢ်အန့ၣ်လီၤ. အ၀ဲသ့ၣ်တဲဘၣ်ပှၤလၢ ကမၤလဲၢ်မၤအါထီၣ် တၢ်ပညိၣ်အါန့ၢ် တၢ်သမံသမိး ဒီးဟ့ၣ်လီၤ ပှၤတ၀ၢ တၢ်ဆီၣ်ထွဲမၤစၢၤန့ၣ်လီၤ. တၢ်အံၤပၣ်ဃုာ်ဒီး တၢ်အီၣ်တၢ်အီ ဒီးတၢ်ပူၤဖျဲး တၢ်ပီးတၢ်လီအစူၣ်န့ၣ်လီၤ. တၢ်အံၤပၣ်ဃုာ်စ့ၢ်ကီးဒီး တၢ်မၤစၢၤလၢကဘျးစဲဒီး ပှၤတ၀ၢတၢ်ကရၢကရိတဖၣ်န့ၣ်လီၤ. ပလိၣ်ဘၣ်လၢကမၤသကိးတၢ်ဒီး ပှၤဒီတဂၤန့ၣ်လီၤ. 

ပတၢ်ပညိၣ်ဖီတၢၣ်န့ၣ်မ့ၢ်၀ဲ ပှၤလၢတၢ်သမံသမိးတ့ၢ်အီၤတဖၣ်  50% န့ၣ်မ့ၢ်၀ဲ BIPOC လီၤ. ပတုၤထီၣ်ဒီးတၢ်ပညိၣ်ဖီတၢၣ်၀ဲန့ၣ်ဒီး50% BIPOC  ပှၤနီၢ်တဂၤစုာ်စုာ် လၢအနုာ်လီၤပၣ်ဃုာ်သ့န့ၣ်လီၤ.

ဃုာ်ဒီး Minnesota Community Care (မံၣ်နံၣ်စိထၣ်ပှၤတ၀ၢအတၢ်ကွၢ်ထွဲ), S.T.O.P. COVID စးထီၣ်ဟ့ၣ်လီၤ ကသံၣ်ဒီသဒၢတဖၣ် အါန့ၢ်2000ဖျၢၣ် ဒီး တၢ်ပူၤဖျဲးပီးလီအစူၣ် အါန့ၢ် 1000 စူၣ် လၢ 2020ဒီး 2021အပူၤန့ၣ်လီၤ. 

ပဃုထံၣ်လၢ ပှၤတ၀ၢ-ပညိၣ်၀ဲန့ၣ် မ့ၢ်တၢ်လိၣ်ဘၣ် လၢကမၤတၢ်လီၤဆီန့ၣ်လီၤ.

ပဃုထံၣ်လၢ ပလိၣ်ကရၢကရိပာ်ဖှိၣ်ထီၣ်သကိး လီၢ်က၀ီၤပဒိၣ်, ပှၤဟ့ၣ်တၢ်မၤစၢၤတဖၣ်, ဒီးပှၤတ၀ၢန့ၣ်လီၤ. တၢ်န့ၣ်၀ံၤအလီၢ်ခံ ပစူးကါ ပတၢ်ဂ့ၢ်ထၢဖှိၣ် ဒီး စဲးဖီကဟၣ်ကျိၤကျဲပီညါသ့န့ၣ်လီၤ. ၀ံၤဒီး ပတ့ဘှီထီၣ်ပတၢ်တိာ်ကျဲၤတဖၣ် လၢကမၤဂ့ၤထီၣ် တၢ်အိၣ်ဆူၣ်အိၣ်ချ့ တၢ်ထဲသိးတုၤသိး ဒီးတၢ်အိၣ်ဆူၣ်အိၣ်ချ့ တၢ်ပိာ်ထွဲထီၣ်အခံတဖၣ်သ့န့ၣ်လီၤ. ပဆဲးမၤတၢ်လၢ ကသူၣ်ထီၣ် လီၢ်က၀ီၤပှၤတ၀ၢတၢ်ဆဲးကျိးဆဲးကျၢ လၢကမၤ တၢ်လီၤဆီလိာ်သးလၢအဂ့ၤဒီးတၢ်အိၣ်ဆူၣ်အိၣ်ချ့န့ၣ်လီၤ. 

Healthy First Start တၢ်တိာ်ကျဲၤ

ပအဲၣ်ဒိးလၢ ကရၢဖိတဖၣ် ကအိၣ်ဒီး ဟုးသးလၢအပှဲၤဒီးတၢ်အိၣ်ဆူၣ်အိၣ်ချ့ ဒီး ပှၤဖိသၣ်လၢအပှဲၤဒီးတၢ်အိၣ်ဆူၣ်အိၣ်ချ့လီၤ. Healthy First Start မ့ၢ်တၢ်တိာ်ကျဲၤလၢတၢ်ဟ့ၣ်လီၤအီၤခီဖျိလၢ နတၢ်အိၣ်ဆူၣ်အိၣ်ချ့ တၢ်တိာ်ကျဲၤန့ၣ်လီၤ. ပကမၤသကိးတၢ်ဒီးနၤ ဒီး န လၢကမၤစၢၤနၤ လၢကဟံးန့ၢ် တၢ်မၤအပတီၢ်လၢအပှဲၤဒီးတၢ်အိၣ်ဆူၣ်အိၣ်ချ့ ခီဖျိတၢ်အိၣ်ဒီးဟုးသး ဒီး ဖဲတၢ်အိၣ်ဖျဲၣ်၀ံၤအလီၢ်ခံန့ၣ်လီၤ. 

ဖဲအအိၣ်ဖျဲၣ်ဖိဆံး၀ံၤ အကါဒိၣ်လၢကလဲၤဒိးကွၢ်ဘၣ်အဖိဆံးဆူ ကသံၣ်သရၣ်အအိၣ်န့ၣ်လီၤႋ ပှၤဟ့ၣ်တၢ်မၤစၢၤ ကသမံသမိးကွၢ်လီၤတံၢ်တၢ်သ့ၣ်တဖၣ် ဒ်အမ့ၢ် ဖိသၣ်ဆံးအတယၢၢ်ဃၢ, မဲာ်ချံ, နၢ်ဒီးသးဖျၢၣ်န့ၣ်လီၤႋ ဖဲဖိသၣ်ဒိၣ်ထီၣ်အခါ, ကသံၣ်သရၣ်တဖၣ် သိၣ်လိၣ်စၢၤ မိၢ်ပၢ်တဖၣ်လၢ ကဒိၣ်ထီၣ်ပှဲၤဒီးတၢ်အိၣ်ဆူၣ်အိၣ်ချ့ သ့ဒ်လဲၣ်န့ၣ်လီၤႋ တၢ်အံၤ ဘၣ်သ့ၣ်သ့ၣ် တၢ်ကတဲသကိးဘၣ်ဃးဒီး တၢ်မၤနီၢ်ခိတၢ်ဟူးတၢ်ဂဲၤတၢ်မၤလိ, တၢ်အီၣ်လၢအပှဲၤဒီးတၢ်အိၣ်ဆူၣ်အိၣ်ချ့, ဒီးကဒီသဒၢတၢ်ဘၣ်ဒိဘၣ်ထံးဒ်လဲၣ်န့ၣ်လီၤ.

ပတၢ်တိာ်ကျဲၤ မၤစၢၤ ပှၤမိၢ်ဒၢတဖၣ် တချုးလၢဒီး ဖဲအ၀ဲသ့ၣ်အိၣ်ဖျဲၣ်အဖိဆံးတဖၣ်၀ံၤအလီၢ်ခံန့ၣ်လီၤႋ ပဃုစၢၤပှၤတ၀ၢတၢ်မၤစၢၤတဖၣ်, ကသံၣ်ကသီ ဒီးတၢ်ပာ်သူၣ်ပာ်သး တၢ်အိၣ်ဆူၣ်အိၣ်ချ့တၢ်ကွၢ်ထွဲ, ဟ့ၣ်လီၤတၢ်ဟ့ၣ်ကူၣ်တဖၣ်လၢ ကအိၣ်ဒီးတၢ်အိၣ်ဒီးဟုးသးလၢအပှဲၤဒီးတၢ်အိၣ်ဆူၣ်အိၣ်ချ့ဒ်လဲၣ်, ဒီးဟ့ၣ်လီၤခိၣ်ဖးတဖၣ်လၢတၢ်ထံၣ်လိာ်ဒိးပၠးသးဒီးကသံၣ်သရၣ်အဂီၢ်သ့န့ၣ်လီၤ. ပမၤစၢၤဟံၣ်ဖိဃီဖိတဖၣ်လၢ မၤန့ၢ်တၢ်ကွၢ်ထွဲဒီးတၢ်ဆီၣ်ထွဲမၤစၢၤလၢအ၀ဲသ့ၣ်လိၣ်ဘၣ်၀ဲ ဖဲအ၀ဲသ့ၣ်လိၣ်တၢ်အံၤအဒိၣ်ကတၢၢ်အခါန့ၣ်လီၤ.

ပမ့ၢ်တသ့ၣ်ညါလၢအ၀ဲသ့ၣ်အိၣ်ဒီးဟုးသးန့ၣ် တၢ်အံၤကီခဲလၢကဆဲးကျၢကရၢဖိတဖၣ် ဖဲအ၀ဲသ့ၣ်အတၢ်အိၣ်ဒီးဟုးသးသီသီသ့န့ၣ်လီၤ. ပမ့ၢ်တအိၣ်ဒီး လီၢ်အိၣ်ဆိးထံး မ့တမ့ၢ် လီတဲစိနီၣ်ဂံၢ်ဘၣ်ဘၣ်န့ၣ် ပမၤစၢၤကရၢဖိတဖၣ်တသ့ဘၣ်. ပဃ့ ပကရၢဖိတဖၣ် လၢကဆဲးကျၢ ပှၤ ဒီးအဝဲသ့ၣ်အကီၢ်ရ့ၣ်ခီးထံၣ် ဖဲအဝဲသ့ၣ်အိၣ်ဒီးဟုးသး မ့တမ့ၢ် အိၣ်ဆိး လီၢ်အိၣ်ဆိးထံး မ့တမ့ၢ် လီတဲစိနီၣ်ဂံၢ်လၢ အဆီတလဲ၀ဲအခါန့ၣ်လီၤ. ဖဲပှၤ ဒီး ကီၢ်ရ့ၣ်ခီးထံၣ် အိၣ်ဒီးတၢ်ဂ့ၢ်တၢ်ကျိၤအံၤအခါ, ပဆဲးလီၤအဝဲသ့ၣ်အမံၤလၢ ပတၢ်တိာ်ကျဲၤအဂီၢ် သ့န့ၣ်လီၤ. တၢ်အံၤမၤလီၤတံၢ် ကရၢဖိလၢအိၣ်ဒီးဟုးသးတဖၣ် မၤန့ၢ် တၢ်န့ၢ်ဘျုးခဲလၢာ် လၢပဟ့ၣ်လီၤ န့ၣ်လီၤ. 

တၢ်တိာ်ကျဲၤအတၢ်ပညိၣ်ဖီတၢၣ် မ့ၢ်ဝဲလၢ ပကရၢဖိလၢအိၣ်ဒီးဟုးသးတဖၣ် ဒီးအဝဲသ့ၣ်အဖိဆံးတဖၣ် ကအိၣ်ဒီးတၢ်အိၣ်ဆူၣ်အိၣ်ချ့ တသ့ဖဲအသ့ အဂီၢ် န့ၣ်လီၤ. ပကွၢ်တၢ်ဂ့ၢ်ထၢဖှိၣ် ဘၣ်ထွဲဒီးကမၤန့ၢ်တၢ်ကွၢ်ထွဲ, ပကရၢဖိအတၢ်အိၣ်ဆူၣ်အိၣ်ချ့တၢ်ပိာ်ထွဲထီၣ်အခံတဖၣ်, ဒီးကရၢဖိတၢ်သူၣ်မံသးမံန့ၣ်လီၤ. တၢ်ကွၢ်ကဒါက့ၤတၢ်ဂ့ၢ်ထၢဖှိၣ်အံၤလၢ တၢ်ဂံၢ်ထံး လၢအမၤအသးအဖၢမုၢ် ဒီးတနံၣ်စုာ်စုာ်အဖီခိၣ်န့ၣ်လီၤ. တၢ်မၤ တၢ်သမံထံ Healthy First Steps® တၢ်တိာ်ကျဲၤ တနံၣ်တဘျီစ့ၢ်ကီးန့ၣ်လီၤ.

ပကဆဲးဆီၣ်ထွဲမၤစၢၤ ပကရၢဖိတဖၣ် လၢကမၤန့ၢ် ကသံၣ်သရၣ် အတၢ်သ့ၣ်နံၤဖးသီ, ပှၤကွၢ်ထွဲ ပိာ်မုၣ်လၢအိၣ်ဒီးဟုးသး, တၢ်မၤန့ၢ်တၢ်အီၣ်တၢ်အီ, ဝံစိာ်တီဆှၢ, သိလ့ၣ်လီၢ်ဆ့ၣ်နီၤ, ဒီး ဟံၣ်ဃီတဖၣ် အဂီၢ် န့ၣ်လီၤ. လၢ 2023 အပူၤ, ပရဲၣ်ကျဲၤလၢကမၤသကိးတၢ်ဒီး ကသံၣ်သရၣ်တဖၣ် လၢကမၤလိဘၣ်ဃးဒီး ကရၢဖိ အတၢ်အိၣ်ဒီးဟုးသးသီသီအကတီၢ်န့ၣ်လီၤ. ပတၢ်ပညိၣ်ဖီတၢၣ်မ့ၢ်ဝဲ ပကမၤစၢၤကရၢဖိတဖၣ် လၢကအိၣ်ဒီး ဟုးသးလၢအပှဲၤဒီးတၢ်အိၣ်ဆူၣ်အိၣ်ချ့ ဒီး သုးကွံာ်တၢ်တြီမၤတံာ်တာ် လၢကကွၢ်ထွဲအဂီၢ် န့ၣ်လီၤ. 

တၢ်ပာ်ပနီၣ်ပာ်ကဲဒီးတၢ်ဟ့ၣ်လီၤတၢ်တမံၤမံၤလၢပှၤအါဂၤနာ်န့ၢ်

UHC ပှၤတ၀ၢတၢ်ရဲၣ်တၢ်ကျဲၤ မ့ၢ်၀ဲတၢ်အသီလၢ Minnesota ပူၤန့ၣ်လီၤႋ ကရူၢ်တဖုလၢတၢ်ကိးအမ့ၤလၢ National Committee for Quality Assurance (NCQA) (ထံလီၢ်ကီၢ်ပူၤကမံးတံာ်လၢတၢ်သမံထံမၤလီၤတံၢ်တၢ်အကံၢ်စီ) ပာ်ဖျါ၀ဲဒၣ် တၢ်ဂ့ၢ်တၢ်ကျိၤဒီးပှၤ ဘၣ်ဃးဒီးလၢကမၤဂ့ၤထီၣ်တၢ်ကွၢ်ထွဲတၢ်အိၣ်ဆူၣ်အိၣ်ချ့ လၢပမၤစၢၤဘၣ်ကရၢဖိတဖၣ် အကံၢ်စီကသ့ဒ်လဲၣ်န့ၣ်လီၤႋ ဒ်တၢ်ရဲၣ်တၢ်ကျဲၤအသီတမံၤအသိး ပတၢ်ပညိၣ်မ့ၢ်၀ဲဒၣ် ကမၤတုၤထီၣ်ဘး အတၢ်မၤဂံၢ်ခီၣ်ထံးပတီၢ်လၢတၢ်ပာ်ပနီၣ်ပာ်ကဲအဂီၢ်န့ၣ်လီၤႋ ကဲထီၣ်ဘၣ်တၢ်လၢပာ်ပနီၣ်ပာ်ကဲဘၣ်အီၤန့ၣ် အခီပညီမ့ၢ်၀ဲဒၣ် ပအၢၣ်လီၤသးလၢကရဲၣ်ကျဲၤမၤဘၣ် တၢ်ကွၢ်ထွဲအကံၢ်စီပတီၢ်ထီ အတၢ်မၤဂံၢ်ခီၣ်ထံးပတီၢ်န့ၣ်လီၤႋ လၢကမၤလိနၢ်ပၢၢ်အါထီၣ်သးဘၣ်ဃးဒီး NCQA အဂီၢ် ကွၢ်ဖဲအ ပှာ်ယဲၤသန့တက့ၢ်ႋ

ဆဲးကျိၤပှၤ

ပအဲၣ်ဒိးနၢ်ဟူဘၣ်နတၢ်သံကွၢ်ဒီးတၢ်ထံၣ်တၢ်ဆိကမိၣ်န့ၣ်လီၤႋ ၀ံသးစူၤ ဆဲးကျၢပှၤဖဲ နမ့ၢ်အဲၣ်ဒိးသ့ၣ်ညါအါထီၣ်တၢ်ဂ့ၢ် မ့တမ့ၢ် ပာ်ဖျါတၢ်ဆိကမိၣ်တဖၣ် ပမၤဂ့ၤထီၣ်တၢ်မနုၤသ့လဲၣ်န့ၣ်လီၤ. ဆဲးကျၢ United Healthcare ဖဲ1-888-269-5410 / TTY: 711 မ့တမ့ၢ် စူးကါ နတၢ်ဖီၣ်န့ၢ်ဆှၢခီတၢ်ကစီၣ် တၢ်မၤစၢၤလၢနဘၣ်သးအီၤ 8 AM တုၤ 6 PM လီၢ်က၀ီၤ တၢ်ဆၢကတီၢ်, မုၢ်တနံၤ တုၤ မုၢ်ယဲၢ်နံၤ တက့ၢ်ႋ

UnitedHealthcare ပှၤတဝၢတၢ်တိာ်ကျဲၤ


တၢ်တဟံးန့ၢ်မူဒါ တၢ်ကစီၣ်ဂ့ၢ်ကျိၤ
(သုးထီၣ်သုးလီၤလၢ တလါအံၤအပူၤဒ်သိးကကွၢ်တက့ၢ်)

နကွၢ်ဃုကီၢ်စၢဖှိၣ်ပဒိၣ် အ Medicaid ပှာ်ယဲၤသန့ဧါ. ကွၢ်ဖဲအံၤဖဲ Medicaid.gov တက့ၢ်.

UnitedHealthcare တၢ်တိာ်ကျဲၤလၢပှဲၤခံမံၤ

တၢ်တိာ်ကျဲၤတဖၣ်န့ၣ် တၢ်အုၣ်ကီၤအီၤခီဖျိ UnitedHealthcare တၢ်အုၣ်ကီၤခီပနံာ် (UnitedHealthcare Insurance Company) မ့တမ့ၢ် ခီဖျိခီပနံာ်တမံၤလၢဘၣ်ထွဲဒီးအီၤတမံၤ, Medicare တၢ်န့ၢ်အဘျုး (Medicare Advantage) ကရၢကရိတမံၤ လၢအိၣ်ဒီး Medicare တၢ်ဃံးဃာ်တမံၤ ဒီး တၢ်ဃံးဃာ်တမံၤဒီး ကီၢ်စဲၣ် Medicaid တၢ်ရဲၣ်တၢ်ကျဲၤန့ၣ်လီၤ. တၢ်ဆဲးလီၤမံၤ လၢတၢ်တိာ်ကျဲၤအပူၤန့ၣ် ဒိးသန့ၤသးလၢ တၢ်မၤသီထီၣ်တၢ်တိာ်ကျဲၤအလံာ်ဃံးဃာ်လၢ Medicare န့ၣ်လီၤ. တၢ်တိာ်ကျဲၤအံၤန့ၣ်အိၣ်လၢ ပှၤတဂၤဂ့ၤတဂၤဂ့ၤ လၢအိၣ်ဒီးဆူၣ်ချ့တၢ်တိစၢၤမၤစၢၤ လၢကီၢ်စဲၣ် ဒီး Medicare တၢ်န့ၢ်ဘျုးခံခါလၢာ်အဂီၢ်, တၢ်န့ၢ်ဘျုး တၢ်ဂ့ၢ်တၢ်ကျိၤ ဒီး/မ့တမ့ၢ် တၢ်ပီးတၢ်လီ လီၤဆီလိာ်အသးလၢ တၢ်တိာ်ကျဲၤ/လီၢ်က၀ီၤ န့ၣ်လီၤ. တၢ်ကစူးကါ တၢ်ပာ်ပနီၣ်တဖၣ်, တၢ်ကွၢ်ကပာ်ကွံာ်တဖၣ် ဒီး/မ့တမ့ၢ် ပှာ်ဘျးစဲ တၢ်တြီဃာ်တဖၣ် လီၤ. တၢ်န့ၢ်အဘျုးတဖၣ်, တၢ်ဟ့ၣ်တၢ်အုၣ်ကီၤအပှ့ၤတဖၣ် ဒီး/မ့တမ့ၢ် တၢ်ဟ့ၣ်သဃဲၤအဘူးအလဲတဖၣ်/တၢ်အုၣ်ကီၤသဃဲၤ န့ၣ်ဘၣ်သ့ၣ်သ့ၣ် ကဆီတလဲလၢ တနံၣ်ဘၣ်တနံၣ် လါယနူအါရံၤ 1သီ န့ၣ်လီၤ.

တၢ်ပာ်ဖျါထီၣ် ဖြံၣ်မံယၢၣ်အတၢ်တဟံးန့ၢ်မူဒါ

Dual Special Needs တၢ်တိာ်ကျဲၤအိၣ်ဒီး $0 ဖြံၣ်မံယၢၣ်လၢ ကရၢဖိလၢအိၣ်ဒီး Extra Help (တၢ်မၤစၢၤအဂၤ) (တၢ်ဟဲနုာ်စှၤ စ့ဆီၣ်ထွဲ) အဂီၢ်လီၤ.

တၢ်ပာ်ဖျါထီၣ် တၢ်န့ၢ်ဘျုးအတၢ်တဟံးမူဒါ

တၢ်န့ၢ်ဘျုး, တၢ်မၤအသးနီၢ်နီၢ်, ဒီး/မ့တမ့ၢ် ပီးလီတဖၣ် လီၤဆီလိာ်သး လၢတၢ်တိာ်ကျဲၤ/လီၢ်က၀ီၤအဖီခိၣ်လီၤ. တၢ်ကစူးကါ တၢ်ပာ်ပနီၣ်တဖၣ်, တၢ်ကွၢ်ကပာ်ကွံာ်တဖၣ် ဒီး/မ့တမ့ၢ် ပှာ်ဘျးစဲ တၢ်တြီဃာ်တဖၣ် လီၤ.

တၢ်တဟံးန့ၢ်မူဒါဘၣ်ဃး မုၣ်ကွၢ်ပှၤဆါဂ့ၢ်ဂီၢ်အူလီတဲစိကျိၤ

တၢ်တိစၢၤမၤစၢၤအံၤန့ၣ် ပှၤတကြၢးစူးကါအီၤလၢ ဂ့ၢ်ဂီၢ်အူ မ့တမ့ၢ်တၢ်လိၣ်ဘၣ်တၢ်ကွၢ်ထွဲချ့ချ့တဖၣ်အဂီၢ်ဘၣ်. လၢဂ့ၢ်ဂီၢ်အူတၢ်ဂ့ၢ်အပူၤန့ၣ်, ကိး 911 မ့တမ့ၢ် လဲၤဆူဂ့ၢ်ဂီၢ်အူဒၢးလၢ အဘူးကတၢၢ်တက့ၢ်. တၢ်ကစီၣ်ဂ့ၢ်ကျိၤလၢတၢ်ဟ့ၣ်အီၤခီဖျိတၢ်တိစၢၤမၤစၢၤအံၤန့ၣ် မ့ၢ်ထဲဒၣ်လၢ တၢ်ဟ့ၣ်တၢ်ကစီၣ်ဂ့ၢ်ကျိၤတၢ်ပညိၣ်အဂီၢ်န့ၣ်လီၤ. ကသံၣ်သရၣ်မုၣ်ကွၢ်ပှၤဆါတဖၣ် ဃုထံၣ်သ့ၣ်ညါတၢ်ဆါအတၢ်ဂ့ၢ်ကီတဖၣ် မ့တမ့ၢ် ဟ့ၣ်ကူၣ်ဟ့ၣ်ဖး တၢ်ကူစါယါဘျါ တသ့ဘၣ် ဒီးအ၀ဲသ့ၣ်တဖၣ် မၤပှဲၤန့ၢ်တၢ်လီၢ်လၢ နပှၤဟ့ၣ်တၢ်မၤစၢၤအတၢ်ကွၢ်ထွဲအဂီၢ် တသ့ဘၣ် န့ၣ်လီၤ. နဆူၣ်ချ့တၢ်ကစီၣ်ဂ့ၢ်ကျိၤန့ၣ် ဘၣ်တၢ်ပာ်ခူသူၣ်အီၤ ဒ်သဲစးတၢ်သိၣ်တၢ်ဘျၢအသိးန့ၣ်လီၤ. တၢ်မၤစၢၤဝဲအံၤ တမ့ၢ်တၢ်အုၣ်ကီၤအတၢ်ရဲၣ်တၢ်ကျဲၤတခါဘၣ် ဒီးပတုာ်ကွံာ်အသးသ့ ကိးဆၢကတီၢ်ဒဲးန့ၣ်လီၤ. ပှၤကွၢ်ထွဲပှၤဆါအဂ့ၢ်ဂီၢ်အူလီတဲစိန့ၣ် တဘၣ်စူးကါအီၤလၢ ဂ့ၢ်ဂီၢ်အူတၢ်ဂ့ၢ်အဂီၢ်ဘၣ်, ထဲဒၣ်လၢတၢ်ဟ့ၣ်ခီဟ့ၣ်နီၤတၢ်ဂ့ၢ်တၢ်ကျိၤအဂီၢ်ဧိၤလီၤ.

UnitedHealthcare Connected® လၢ MyCare Ohio (Medicare-Medicaid တၢ်တိာ်ကျဲၤ) အဂီၢ်

UnitedHealthcare Connected® လၢ MyCare Ohio (Medicare-Medicaid တၢ်တိာ်ကျဲၤ) အဂီၢ်မ့ၢ်ဝဲ ဆူၣ်ချ့တၢ်တိာ်ကျဲၤ တမံၤလၢမၤလံာ်ဃံးဃာ်ဒီး Medicare ဒီး Ohio Medicaid ခံမံၤလိာ် ဒ်သိးကဟ့ၣ် တၢ်ရဲၣ်တၢ်ကျဲၤခံမံာ်လိာ် အတၢ်န့ၢ်အဘျုးတဖၣ် ဆူပှၤဆဲးလီၤမံၤတဖၣ်အအိၣ်န့ၣ်လီၤ. 

UnitedHealthcare Connected® (Medicare-Medicaid တၢ်တိာ်ကျဲၤ)

UnitedHealthcare Connected® (Medicare-Medicaid တၢ်တိာ်ကျဲၤ) မ့ၢ်ဝဲ ဆူၣ်ချ့တၢ်တိာ်ကျဲၤ တမံၤလၢ မၤလံာ်ဃံးဃာ်ဒီး Medicare ဒီး Texas Medicaid ခံမံၤလၢာ် ဒ်သိးကဟ့ၣ် တၢ်တိာ်ကျဲၤခံမံၤလၢာ် အတၢ်န့ၢ်ဘျုးတဖၣ် ဆူပှၤဆဲးလီၤမံၤတဖၣ်အအိၣ်န့ၣ်လီၤ.

UnitedHealthcare Connected® လၢ One Care (Medicare-Medicaid တၢ်တိာ်ကျဲၤ) အဂီၢ်

UnitedHealthcare Connected® လၢ MyCare Ohio (Medicare-Medicaid တၢ်တိာ်ကျဲၤ) အဂီၢ် မ့ၢ်ဝဲ ဆူၣ်ချ့တၢ်တိာ်ကျဲၤ တမံၤလၢ မၤလံာ်ဃံးဃာ်ဒီး Medicare ဒီး MassHealth (Medicaid) ခံမံၤလိာ် ဒ်သိးကဟ့ၣ်တၢ်ရဲၣ်တၢ်ကျဲၤခံမံာ်လိာ် အတၢ်န့ၢ်အဘျုးတဖၣ် ဆူပှၤဆဲးလီၤမံၤတဖၣ်အအိၣ်န့ၣ်လီၤ. 

UnitedHealthcare Connected® ဂံၢ်ခီၣ်ထံးထီရီၤတၢ်န့ၢ်ဘျုးတၢ်ဟံးန့ၢ်မူဒါ

အဝဲန့ၣ်တမ့ၢ်စရီလၢအလၢအပှဲၤဘၣ်. တၢ်န့ၢ်အဘျုးတၢ်ကစီၣ်ဂ့ၢ်ကျိၤန့ၣ် မ့ၢ်ဒၣ်တၢ်ကွဲးဖျါကျၢၢ်တံၢ်အဖုၣ် ဒီးတမ့ၢ်တၢ်န့ၢ်အဘျုးတၢ်ပာ်ဖျါ လၢအလၢအပှဲၤဘၣ်. လၢတၢ်ကစီၣ်ဂ့ၢ်ကျိၤအဂၤတဖၣ်အဂီၢ် ဆဲးကျိးတၢ်တိာ်ကျဲၤ မ့တမ့ၢ် ဖးကရူၢ်ဖိလံာ်ဟံးဃာ်တက့ၢ်. တၢ်ပနီၣ်တဖၣ်, တၢ်ဟ့ၣ်သဃဲၤအဘူးအလဲတဖၣ် ဒီးတၢ်တြီတဖၣ်န့ၣ် ဘၣ်သ့ၣ်သ့ၣ်ကအိၣ်ဝဲလီၤ. လၢကမၤန့ၢ်အါထီၣ် တၢ်ကစီၣ်ဂ့ၢ်ကျိၤအဂၤတဖၣ်အဂီၢ်, ကိး UnitedHealthcare Connected® ကရၢဖိတၢ်တိစၢၤမၤစၢၤတဖၣ် (Member Services) မ့တမ့ၢ်ဖး UnitedHealthcare Connected® ကရၢဖိလံာ်ဟံးဃာ်တက့ၢ်. 

UnitedHealthcare တၢ်ကွၢ်ထွဲပှၤသးပှၢ်တၢ်ဃုထၢတဖၣ် (Senior Care Options) (HMO SNP) တၢ်တိာ်ကျဲၤ

UnitedHealthcare ပှၤသးပှၢ်တၢ်ကွၢ်ထွဲအတၢ်ဃုထၢ (SCO) မ့ၢ်ဝဲ ဆူၣ်ချ့တၢ်ကွၢ်ထွဲတၢ်တိာ်ကျဲၤ သကိးဒီး Medicare တၢ်ဃံးဃာ် ဒီးအိၣ်ဒီးတၢ်ဃံဃာ်တမံၤဒီး Commonwealth of Massachusetts Medicaid တၢ်ရဲၣ်တၢ်ကျဲၤန့ၣ်လီၤ. တၢ်ဆဲးလီၤမံၤ လၢတၢ်တိာ်ကျဲၤအပူၤန့ၣ် ဒိးသန့ၤသးလၢ တၢ်မၤသီထီၣ်တၢ်တိာ်ကျဲၤအလံာ်ဃံးဃာ်လၢ Medicare န့ၣ်လီၤ. တၢ်တိာ်ကျဲၤအံၤ မ့ၢ်ဒ်တၢ်အိၣ်သးတၢ်ရဲၣ်တၢ်ကျဲၤ လၢပှၤမတၤဂ့ၤမတၤဂ့ၤ 65 ဒီးပှၤသးပှၢ်တဖၢ်လၢ တုၤထီၣ်ထီၣ်ဘးလၢ MassHealth Standard ဒီး Original Medicare ဒီးတအိၣ်ဒီး ဆူၣ်ချ့တၢ်အုၣ်ကီၤလၢကျၢၢ်ဘၢန့ၢ်အဂီၢ်လၢလၢပှဲၤပှဲၤဘၣ်တဖၣ်, လၢတပၣ်ဃုာ်ဒီး Medicare ဘၣ်န့ၣ်လီၤ. နမ့ၢ်အိၣ်ဒီး MassHealth Standard ဘၣ်ဆၣ် တတုၤထီၣ်ထီၣ်ဘးလၢ Original Medicare န့ၣ် ဘၣ်သ့ၣ်သ့ၣ်နကကြၢးဘၣ်လၢ ကဆဲးလီၤမံၤ လၢပ MassHealth ပှၤသးပှၢ်တၢ်ကွၢ်ထွဲတၢ်ဃုထၢတၢ်တိာ်ကျဲၤ ဒီးဒိးန့ၢ် န MassHealth တၢ်န့ၢ်အဘျုးခဲလၢာ် ခီဖျိ ပ ပှၤသးပှၢ်တၢ်ကွၢ်ထွဲအတၢ်ဃုထၢ (SCO) တၢ်ရဲၣ်တၢ်ကျဲၤန့ၣ်လီၤ.

တၢ်ဟ့ၣ်ဆၣ်အယီၣ် တၢ်တဟံးန့ၢ်မူဒါ

ကိးနံၣ်ဒဲး, Medicare သမံထံဝဲ တၢ်တိာ်ကျဲၤတဖၣ် လၢအိၣ်ဒီးအခီၣ်ထံးခီၣ်ဘိလၢ ဆၣ် 5 ဖျၢၣ်တၢ်ဟ့ၣ်အယီၣ်တၢ်မၤကျဲန့ၣ်လီၤ. တၢ်ဟ့ၣ်ဆၣ် 5 ဖျၢၣ်န့ၣ် ဘၣ်တၢ်စူးကါအီၤလၢတၢ်တိာ်ကျဲၤအနံၣ် 2024န့ၣ်လီၤ.

ပှၤမၤစၢၤဖံးမၤတၢ်အကါဒိၣ်တၢ်ကစီၣ်ဂ့ၢ်ကျိၤ

တၢ်ဃုထၢန့ၣ်အိၣ်လၢနစုပူၤလီၤ

ပကဟ့ၣ်နၤတၢ်ကစီၣ်ဂ့ၢ်ကျိၤ ဒ်သိးကမၤစၢၤနၤလၢ တၢ်ဃုထၢလၢအကြၢးအဘၣ် ဒ်သိးဒီး ကသံၣ်သရၣ်ထီရီၤ ဒီး ပှၤသ့ပှၤဘၣ်လၢဆူၣ်ချ့တၢ်ကွၢ်ထွဲတၢ်မၤတဖၣ်အလံာ်အုၣ်ကီၤသးတဖၣ်န့ၣ်လီၤ. ဘၣ်ဆၣ် တၢ်ကစီၣ်ဂ့ၢ်ကျိၤအံၤန့ၣ် တမ့ၢ်တၢ်အၢၣ်လီၤမၤဂၢၢ်မၤကျၢၤ ကသံၣ်သရၣ်ထီရီၤ မ့တမ့ၢ်ပှၤသ့ပှၤဘၣ်လၢဆူၣ်ချ့တၢ်ကွၢ်ထွဲတၢ်မၤတဂၤ အတၢ်ကြၢးဘၣ်လၢ နတၢ်လိၣ်ဘၣ်တဖၣ်အဂီၢ်ဘၣ်.

ပှၤမၤစၢၤဖံးမၤတၢ် လၢပှၤဒိးန့ၢ်အီၤသ့ခီဖျိ တၢ်ပတံထီၣ်အံၤန့ၣ် တမ့ၢ်ကပာ်ဖျါ UnitedHealthcare အပှၤမၤစၢၤဖံးမၤတၢ်တဖၣ်လၢတၢ်ဃံးဃာ်အီၤအပှာ်ဘျးစဲ လၢလၢပှဲၤပှဲၤဘၣ်. ဖဲန့ၣ်ကအိၣ်ဒီး ပှၤမၤစၢၤဖံးမၤတၢ်တဖၣ် မ့တမ့ၢ် တၢ်ဂ့ၢ်လီၤဆီတဖၣ် လၢတပၣ်ဃုာ်လၢ တၢ်ပတံထီၣ်ဝဲအံၤ လၢအဘၣ်ထွဲဒီးပပှာ်ဘျးစဲဘၣ်န့ၣ်လီၤ. နမ့ၢ်တထံၣ်ပှၤမၤစၢၤဖံးမၤတၢ်လၢနကွၢ်ဃုန့ၣ် ကဆဲးကျိးပှၤမၤစၢၤဖံးမၤတၢ်လိၤလိၤသ့ ဒ်သိးကပာ်ဂၢၢ်ပာ်ကျၢၤတၢ်မၤသကိးတၢ်ဒီး UnitedHealthcare အပှာ်ဘျးစဲ မ့တမ့ၢ်ဆဲးကျိး ပှၤပှ့ၤတၢ်ဖိအဂီၢ်တၢ်တိစၢၤမၤစၢၤ လၢ လီတဲစိအပှ့ၤကလီနီၣ်ဂံၢ် လၢတၢ်ပာ်ဖျါအီၤလ၏ န UnitedHealthcare တၢ်ကွဲးနီၣ်ကွဲးဃါမံၤခးက့တက့ၢ်. ပဟ့ၣ်ကူၣ်နၤစ့ၢ်ကီးလၢ တချုးလၢနထံၣ်ကသံၣ်သရၣ်ထီရီၤတဂၤဂ့ၤတဂၤဂ့ၤ, ပၣ်ဃုာ်ဒီးကသံၣ်သရၣ်ကူၣ်သ့စဲၣ်နီၤတဖၣ်န့ၣ်, ကိးကသံၣ်သရၣ်ထီရီၤအဝဲၤလီၢ် ဒ်သိးကပာ်ဂၢၢ်ပာ်ကျၢၤအဝဲသ့ၣ် အတၢ်မၤသကိးတၢ်ဒီး အတၢ်ဟ့ၣ်ဆၢကတီၢ်သ့န့ၣ်တက့ၢ်.

ပှာ်ဘျးစဲပှၤမၤစၢၤဖံးမၤတၢ်တနီၤန့ၣ် ဘၣ်သ့ၣ်သ့ၣ်ကဘၣ်တၢ်ထၢနုာ် မ့တမ့ၢ်ထုးထီၣ်အီၤ လၢပပှာ်ဘျးစဲဖဲလံာ်နဲၣ်န့ၣ်ဘၣ်တၢ်မၤသီထီၣ်အီၤဝံၤန့ၣ်လီၤ. ပတအၢၣ်လီၤအီလီၤလၢ ပှၤမၤစၢၤဖံးမၤတၢ်ကိးဂၤဒဲးန့ၣ် တူၢ်လိာ်ကရူၢ်ဖိအသီတဖၣ်တုၤခဲအံၤန့ၣ်ဘၣ်.

မ့တမ့ၢ်လၢ ဂ့ၢ်ဂီၢ်အူတၢ်အိၣ်သးတဖၣ်အပူၤန့ၣ် ပှာ်ဘျးစဲအချၢ/ ပှၤမၤစၢၤဖံးမၤတၢ်လၢတၢ်အၢၣ်လီၤအီလီၤတအိၣ်န့ၣ် မူဒါတအိၣ်လၢ ကကူစါယါဘျါ UnitedHealthcare တၢ်တိာ်ကျဲၤကရူၢ်ဖိတဖၣ်ဘၣ်. ဝံသးစူၤကိးပပှၤပှ့ၤတၢ်ဖိအဂီၢ်တၢ်တိစၢၤမၤစၢၤနီၣ်ဂံၢ် မ့တမ့ၢ်ကွၢ် တၢ်အုၣ်ကီၤစ့မၤစၢၤတၢ်အုၣ်သး လၢတၢ်ကစီၣ်ဂ့ၢ်ကျိၤအါထီၣ်အဂီၢ်, ပၣ်ဃုာ်ဒီးတၢ်ဟ့ၣ်သဃဲၤအဘူးအလဲ လၢဘၣ်ထွဲဒီးတၢ်တိစၢၤမၤစၢၤလၢပှာ်ဘျးစဲအချၢတဖၣ်န့ၣ်တက့ၢ်.

အမဲရကၤပှၤနီၢ်ခိက့ၢ်ဂီၤတလၢပှဲၤတဖၣ်တၢ်သိၣ်ဘျၢတၢ်ဒုးသ့ၣ်ညါ

ဒ်ကီၢ်စၢဖှိၣ်ပှၤအမဲရကၤဖိတဖၣ်လၢနီၢ်ခိက့ၢ်ဂီၤတလၢပှဲၤတဖၣ်တၢ်သိၣ်ဘျၢ လၢ 1990 ဒီး သနၢၣ် 504 လၢတၢ်တၢ်မၤဂ့ၤထီၣ်ကဒါက့ၤတၢ်သိၣ်ဘျၢလၢ 1973 ("ADA") အသိး UnitedHealthcare တၢ်အုၣ်ကီၤခီပနံာ်န့ၣ် ဟ့ၣ်ဝဲတၢ်ဒိးန့ၢ်ခွဲးအလၢအပှဲၤဒီးထဲသိးသိး ဆူတၢ်တိစၢၤမၤစၢၤတဖၣ်လၢတၢ်အုၣ်ကီၤဃာ်အီၤ ဒီးတကွၢ်မဲာ်ဘၣ်ပှၤတဂၤဘၣ်တဂၤလၢနီၢ်ခိက့ၢ်ဂီၤတလၢပှဲၤ လၢတုၤထီၣ်ထီၣ်ဘး လၢနီၢ်ခိက့ၢ်ဂီၤတလၢပှဲၤအဖီခိၣ် လၢအဝဲအတၢ်တိစၢၤမၤစၢၤ,တၢ်ရဲၣ်တၢ်ကျဲၤ ဒီးဟူးဂဲၤတဖၣ်ဘၣ်.

တၢ်ဆှၢခီတဖၣ်

ပှာ်ဘျးစဲပှၤမၤစၢၤဖံးမၤတၢ်တဖၣ်န့ၣ် မၤစၢၤနၤဒီးနဟံၣ်ဖိဃီဖိတဖၣ်လၢ တၢ်အုၣ်ကီၤဃာ် ဒ်သိးကဒိးန့ၢ်တၢ်ကွၢ်ထွဲလၢအလိၣ်ဘၣ်န့ၣ်လီၤ. တၢ်ထံၣ်လိာ်သးဒီး ကသံၣ်သရၣ်ကူၣ်သ့စဲၣ်နီၤတဖၣ်န့ၣ် ကဘၣ်တၢ်မၤဘၣ်လိာ်ဖိးဒ့ လၢန ပှၤကွၢ်ထွဲဖံးမၤတၢ်မိၢ်ပှၢ်န့ၣ်လီၤ.

စးခိလံာ်နဲၣ်တၢ်ဃ့ကညးတဖၣ်

ပှာ်ဘျးစဲပှၤမၤစၢၤဖံးမၤတၢ်အလံာ်နဲၣ် အစးခိလံာ်ဒိတဖၣ်န့ၣ် ပှၤဒိးန့ၢ်အီၤသ့အပှ့ၤကလီ လၢကရူၢ်ဖိတဖၣ်အဂီၢ် ခီဖျိတၢ်ကိးပှၤပှ့ၤတၢ်ဖိအဂီၢ်တၢ်တိစၢၤမၤစၢၤနီၣ်ဂံၢ် လၢန တၢ်ကွဲးနီၣ်ကွဲးဃါမံၤခးက့အလီၢ်ခံန့ၣ်လီၤ. ပှၤတမ့ၢ်ကရူၢ်ဖိတဖၣ်န့ၣ် ထဲးလီၤဟံးဃာ် ဒီးစဲကျံးထုးထီၣ်တၢ်ကွၢ်ဃုအစၢတဖၣ် လၢအ့ၣ်ထၢၣ်နဲးလံာ်နဲၣ်သ့န့ၣ်လီၤ.

တၢ်ကစီၣ်ဂ့ၢ်ကျိၤလၢကမၣ်

လၢကပာ်ဖျါထီၣ်တၢ်ဂ့ၢ်တၢ်ကျိၤလၢအကမၣ်အဂီၢ်, ဆှၢအံမ့(လ)ဆူ provider_directory_invalid_issues@uhc.com တက့ၢ်. အံမ့(လ)တလါအံၤန့ၣ် မ့ၢ်ကရူၢ်ဖိတဖၣ်အဂီၢ် ဒ်သိးကဒုးသ့ၣ်ညါတၢ်လၢဘၣ်ကမၣ်သ့တဖၣ် လၢနီၣ်ဂံၢ်နီၣ်ဒွးတၢ်ဂီၤပာ်ဖျါ (အိၣ်ဆိးလီၢ်,လီတဲစိ, ဒီးအဂၤတဖၣ်) တၢ်ကစီၣ်ဂ့ၢ်ကျိၤလၢ အ့ၣ်ထၢၣ်နဲးအလိၤ မ့တမ့ၢ်စးခိလံာ်နဲၣ်တဖၣ်န့ၣ်လီၤ. တၢ်ဒုးသ့ၣ်ညါတၢ်ကီတၢ်ခဲတဖၣ် ခီဖျိအံမ့(လ)တလါ န့ၣ်ကဆှၢအီၤဆူ ပှၤမၤစၢၤဖံးမၤတၢ်အဝဲၤလီၢ် ဒ်သိးကပာ်ဂၢၢ်ပာ်ကျၢၤ လံာ်နဲၣ်နီၣ်ဂံၢ်နီၣ်ဒွးတၢ်ဂီၤပာ်ဖျါတၢ်ဂ့ၢ်ထၢဖှိၣ်ခဲလၢာ် လၢအယံာ်ဝဲသ့ 30 သီန့ၣ်လီၤ. ပှၤတဂၤဘၣ်တဂၤစ့ၢ်ကီး ဒုးသ့ၣ်ညါတၢ်လၢဘၣ်ကမၣ်သ့တဖၣ် ခီဖျိလီတဲစိသ့န့ၣ်လီၤ. UnitedHealthcare ကရူၢ်ဖိတဖၣ်န့ၣ် ကြၢးကိးနီၣ်ဂံၢ်အိၣ်လၢ အဝဲသ့ၣ်အတၢ်အုၣ်သး ID ခးက့အလီၢ်ခံ, ဒီးပှၤလၢတမ့ၢ် UnitedHealthcare ကရူၢ်ဖိတဖၣ်န့ၣ် ကိး 1–888638-6613TTY 711, မ့တမ့ၢ် စူးကါတၢ်ဖီၣ်န့ၢ်ဆှၢခီတၢ်ကလုၢ်တၢ်မၤစၢၤ လၢနဘၣ်သးသ့န့ၣ်လီၤ.

တၢ်ဘိးဘၣ်ရၤလီၤဘၣ်ဃးဒီး တၢ်တတၢာ်တနါ မ့တမ့ၢ် ဂ့ၢ်ဂီၢ်အူ

နမ့ၢ်ဘၣ်ဒိလၢတၢ်တတၢာ်တနါ မ့တမ့ၢ် ဂ့ၢ်ဂီၢ်အူတၢ်ဘိးဘၣ်ရၤလီၤလၢ ကီၢ်ခိၣ် မ့တမ့ၢ် ကီၢ်ရ့ၣ်ခိၣ်, မ့တမ့ၢ် တၢ်ဘိးဘၣ်ရၤလီၤလၢကမျၢၢ်တၢ်အိၣ်ဆူၣ်အိၣ်ချ့ဂ့ၢ်ဂီၢ်အူ လၢ တၢ်အိၣ်ဆူၣ်အိၣ်ချ့ဒီးပှၤဂ့ၢ်ဝီတၢ်မၤစၢၤနဲၣ်ရွဲၣ် (Secretary of Health and Human Services) န့ၣ်, အိၣ်ဒီးတၢ်ဆီၣ်ထွဲမၤစၢၤအါထီၣ်အဂၤလီၤတံၢ်လီၤဆဲး တဖၣ်လၢနမၤန့ၢ်အီၤသ့န့ၣ်လီၤ.

  • အကူာ် A, အကူာ် B, ဒီးတၢ်မၤပှဲၤထီၣ်စၢၤတၢ်အကူာ် C တၢ်တိာ်ကျဲၤတၢ်န့ၢ်ဘျုး တဖၣ်န့ၣ်ကဘၣ်တၢ်ဟ့ၣ်လီၤဖဲ တၢ်ကရၢကရိလၢတအိၣ်ဒီးတၢ်မၤလံာ်ဃံးဃာ်တဖၣ် (ပာ်သူၣ်ပာ်သးလၢအကူာ် A ဒီးအကူာ် B တၢ်န့ၢ်ဘျုးတဖၣ်တၢ်ကမၤန့ၢ်အီၤဖဲ Medicare အုၣ်ကီၤတၢ်ကရၢကရိတဖၣ်)-
  • တၢ်လီၢ်လၢအကြၢးဝဲဘၣ်ဝဲန့ၣ်, တၢ်လိၣ်ဘၣ်တဖၣ်လၢပှၤခိးတြဲၤတၢ်ဆှၢထီၣ်ဆူညါ တတီၤတဖၣ်န့ၣ် တၢ်မၤစၢ်လီၤန့ၢ်အီၤလၢလၢပှဲၤပှဲၤ-
  • တၢ်တိာ်ကျဲၤ-အုၣ်ကီၤ ပှာ်ဘျးစဲအချၢတၢ်ဟ့ၣ်သကိးတၢ်အပှ့ၤတဖၣ် ဆူ ပှာ်ဘျးစဲ တၢ်ဟ့ၣ်သကိးတၢ်အပှ့ၤတဖၣ်န့ၣ် စှၤလီၤတစိၢ်တလီၢ်, ဒီး
  • တၢ်ဘိးဘၣ်သ့ၣ်ညါတၢ်လိၣ်ဘၣ် 30- သီဆူကရၢဖိတဖၣ်န့ၣ်ဘၣ်တၢ်မၤစၢ်လီၤအီၤ, ဖဲတၢ်ဆီတလဲခဲလၢာ် (ဒ်အမ့ၢ် တၢ်မၤစှၤလီၤတၢ်ဟ့ၣ်သကိး-တၢ်ဟ့ၣ်လီၤကွံာ်တၢ် စိတၢ်ကမီၤ) န့ၢ်ဘျုးကရၢဖိအခါန့ၣ်လီၤ.

CMS မ့ၢ်တဟ့ၣ်လီၤဘၣ်ဒံးမုၢ်နံၤအကတၢၢ်လၢတၢ်တတၢာ်တနါ မ့တမ့ၢ် ဂ့ၢ်ဂီၢ်အူအဂီၢ် န့ၣ်, တၢ်တိာ်ကျဲၤတဖၣ် ကမၤကဒါက့ၤတၢ်ဖံးတၢ်မၤဒ်အညီနုၢ် 30 ဖဲတၢ်မၤတၢ်ဘိး ဘၣ်ရၤလီၤအခီၣ်ထံးတဘျီ ဝံၤအလီၢ်ခံအသီတဖၣ်န့ၣ်လီၤ.

Powered by Translations.com GlobalLink OneLink SoftwarePowered By OneLink