တၢ်ကွၢ်ထွဲဆူၣ်ချ့အတၢ်မၤကျိၤကျဲမ့ၢ်ဝဲတၢ်လၢအဘံဘူလိာ်သးန့ၣ်လီၤ. အါတက့ၢ်မ့ၢ်တၢ်ကီတၢ်ခဲဒိၣ်ထီၣ်ဝဲလၢပှၤလၢအိၣ်ဒီးဆူၣ်ချ့တၢ်တၤလီၤန့ၢ်တၢ်တပယူာ်ဃီ မ့တမ့ၢ် အခွဲးယာ်ကတြဲၤအဂီၢ်န့ၣ်လီၤ. အဝဲသ့ၣ်ကဘၣ်ရဲၣ်ကျဲၤအတၢ်န့ၢ်ဘျုးတဖၣ်လၢ Medicare ဒီး Medicaid ခံမံၤလိာ်အဂီၢ်, ဒီးကဘၣ်ထံၣ်လိာ်ကသံၣ်သရၣ်, ကသံၣ်သရၣ်လီၤဆီဒီးပှၤကူစါယါဘျါတၢ်တဘျုးဂၤန့ၣ်လီၤ.

လၢတၢ်မၤညီဒိၣ်ထီၣ်ပကရၢဖိတဖၣ်အတၢ်အိၣ်မူအဂီၢ်, UnitedHealthcare ဒုးအိၣ်ထီၣ်ဝဲဒၣ် UnitedHealthcare UCard™ န့ၣ်လီၤ. UCard မၤစၢၤကရၢဖိအါဂၤလၢတၢ်အိးထီၣ်တၢ်န့ၢ်ဘျုးဒီးတၢ်တိာ်ကျဲၤတဖၣ်လၢအပၣ်ဃုာ်ဒီးအဝဲသ့ၣ်အ UnitedHealthcare ဆူၣ်ချ့ဂ့ၢ်၀ီတၢ်ရဲၣ်တၢ်ကျဲၤကတြဲၤန့ၣ်လီၤ. ဖးကွၢ်လၢကသ့ၣ်ညါဘၣ်တၢ်ဂ့ၢ်တက့ၢ်ႋ

UnitedHealthcare UCard မ့ၢ်ဝဲကရၢဖိ ID ဒီးအါန့ၢ်အန့ၣ်အါမးန့ၣ်လီၤ. ကရၢဖိအါဂၤဒုးနဲၣ်ဖျါထီၣ်အ UCard သ့ဝဲဖဲအလဲၤထံၣ်လိာ်ပှၤရဲၣ်ကျဲၤမၤစၢၤတၢ်ဖိ, လဲၤထၢနုာ်ပှဲၤကသံၣ်လၢကသံၣ်သရၣ်နဲၣ်လီၤဖဲကသံၣ်ကျး, ဒီးလဲၤထံၣ်လိာ်မဲကသံၣ်သရၣ် မ့တမ့ၢ် မဲာ်ချံကသံၣ်သရၣ်လၢအကဒိးန့ၢ်တၢ်ကူစါကွၢ်ထွဲအဂီၢ်န့ၣ်လီၤ.

နမ့ၢ်နုာ်ဆဲးလီၤမံၤဖဲတၢ်တိာ်ကျဲၤလၢအအိၣ်ဒီးတၢ်အီၣ်တၢ်အီ, OTC ဒီးထံလဲမ့ၣ်အူလဲကဒွဲစ့စရီအပူၤန့ၣ်, တၢ်ကသွီနုာ်လီၤစ့ကဒွဲဆူန UCard ပူၤဖဲလါခီၣ်ထံးတဘျီစုာ်စုာ်န့ၣ်လီၤ. ကဒွဲစ့လၢနတစူးကါဘၣ်ဒံးတဖၣ်အဆၢကတီၢ်ကလၢာ်ကွံာ်ဖဲလါကတၢၢ်တသီအနံၤန့ၣ်လီၤ. မ့ၢ်တၢ်ညီဝဲလၢနကပှ့ၤထၢပှ့ၤအီၣ်န့ၢ်ဂံၢ်န့ၢ်ဘါ, OTC တၢ်ဖိတၢ်လံၤဒီးတၢ်ဟ့ၣ်ထံလဲမ့ၣ်အူလဲစရီတဖၣ်လၢအိၣ်ဒီးတၢ်အုၣ်ကီၤအဂီၢ်န့ၣ်လီၤ. နမၣ်လိာ်တၢ်ဆှၢဃီၤန့ၢ်နၤတၢ်ဖိတၢ်လံၤဆူနဟံၣ်လၢတလၢာ်အပှ့ၤသ့စ့ၢ်ကီးန့ၣ်လီၤ.

ဃုာ်ဒီး UCard, မ့ၢ်တၢ်မၤညီထီၣ်နတၢ်ဒိးန့ၢ်ဘၣ်တၢ်န့ၢ်ဘျုးဒီးတၢ်တိာ်ကျဲၤတဖၣ်, အဃိမ့ၢ်တၢ်ယိယိဖိလၢနကမၤန့ၢ်တၢ်ဘၣ်ဘျုးလၢနတၢ်တိာ်ကျဲၤဟ့ၣ်လီၤမၤစၢၤဝဲအဂီၢ်န့ၣ်လီၤ. ကရၢဖိတဖၣ်ကွၢ်ဒီးရဲၣ်ကျဲၤဝဲဒၣ်အတၢ်န့ၢ်ဘျုးကဒွဲစ့ဒီးတၢ်ဟ့ၣ်ခိၣ်ဖးလၢအ့ထၢၣ်နဲးဖီခိၣ်သ့ဝဲဖဲ UCard Hub လၢအမ့ၢ် UnitedHealthcare ကရၢဖိအလီၢ်အပှာ်ယဲၤသန့ပူၤဒီး လီတဲစိစိာ်စုအအဲး(ပ) (mobile app) သ့ဝဲန့ၣ်လီၤ. UCard Hub မ့ၢ်တၢ်လီၢ်တခါလၢနကမၤတၢ်တမံၤမံၤဒ်အမ့ၢ်-

• သမံသမိးကွၢ်တၢ်န့ၢ်ဘျုးလၢအအိၣ်တ့ၢ်ဒံးဒီးခိၣ်ဖးလၢအအိၣ်ပာ်တဖၣ်အဂ့ၢ်
• ဃုကွၢ်ကျးရိဒၢးမၤသကိးတၢ်လၢအဘူးဒီးနၤ မ့တမ့ၢ် ကျးလၢအ့ထၢၣ်နဲးဖီခိၣ်
• ကွၢ်ဘၣ်တၢ်အီၣ်န့ၢ်ဂံၢ်န့ၢ်ဘါဒီး OTC တၢ်ဖိတၢ်လံၤတဖၣ်လၢအိၣ်ဒီးတၢ်အုၣ်ကီၤအမံၤစရီ
• ဟ့ၣ်မ့ၣ်အူလဲထံလဲစ့စရီ
• မၤန့ၢ်တၢ်စံးလၢတၢ်သံကွၢ်ညီနုၢ်ဒီးအဂၤတဖၣ်အဂီၢ်

နမ့ၢ်ကြၢးဝဲဘၣ်ဝဲလၢ Medicaid ခံမံၤလိာ်ဒ်န့ၣ်သိး Medicare စ့ၢ်ကီးန့ၣ်, ဘၣ်သ့ၣ်သ့ၣ်နကသ့ဒိးန့ၢ်ဝဲဒၣ် ဆူၣ်ချ့ဂ့ၢ်၀ီအတၢ်ရဲၣ်တၢ်ကျဲၤခွဲးယာ်ကတြဲၤလၢ UnitedHealthcare န့ၣ်လီၤ. အါတက့ၢ်တၢ်တိာ်ကျဲၤသ့ၣ်တဖၣ်အံၤပၣ်ဃုာ်ဒီး တၢ်န့ၢ်ဘျုးလီၤဆီ အါမးလၢတၢ်မၤညီထီၣ်စၢၤကရၢဖိတဖၣ်အတၢ်အိၣ်မူလၢတၢ်ကြၢးဝဲဘၣ်ဝဲခံမံၤလၢလၢပှဲၤပှဲၤအဂီၢ်န့ၣ်လီၤ. နကဒိးန့ၢ်စ့ၢ်ကီး UCard လၢအမၤညီထီၣ်စၢၤတၢ်အဂီၢ်ဒီးမၤန့ၢ်တၢ်ဘၣ်ဘျုးလၢတၢ်န့ၢ်ဘျုးလီၤဆီတဖၣ်န့ၣ်အဖီခိၣ်န့ၣ်လီၤ.

*တၢ်န့ၢ်ဘျုးတဖၣ် အတၢ်တိာ်ကျဲၤဒီးတၢ်မၤအလီၢ်ကဝီၤ တမံၤဒီးတမံၤ ကလီၤဆီလိာ်သးလီၤ. တၢ်စူးကါတၢ်ပာ်ပနီၣ်ဒီးတၢ်ပာ်ကပာ်ကွံာ်တဖၣ်. တၢ်ဂ့ၢ်တၢ်ကျိၤအလီၤတံၢ်လီၤဆဲး ဘၣ်ဃးဒီး အတၢ်န့ၢ်ဘျုး ပာ်ဃုာ်လၢန 2023 တၢ်လိၣ်ဘၣ်လီၤဆီအတၢ်ရဲၣ်တၢ်ကျဲၤကတြဲၤ အဂီၢ် ကိးလီတဲစိနီၣ်ဂံၢ် မ့တမ့ၢ် ကွၢ်လၢပှာ်ယဲၤသန့ ကွဲးလီၤသးလၢန UnitedHealthcare UCard အလီၢ်ခံတခီန့ၣ်တက့ၢ်ႋ

တၢ်န့ၢ်ဘျုးဒီးတၢ်အက့ၢ်ဂီၤတဖၣ် လီၤဆီလိာ်သးလၢ တၢ်တိာ်ကျဲၤ/လီၢ်ကဝီၤန့ၣ်လီၤ. တၢ်စူးကါတၢ်ပာ်ပနီၣ်ဒီးတၢ်ပာ်ကပာ်ကွံာ်တဖၣ်.