ပှၤအါဂၤလၢအိၣ်ဒီး Medicaid ဒီး Medicare ကွၢ်ဆၢၣ်မဲာ်ဘၣ်ဆူၣ်ချ့အတၢ်တၤလီၤန့ၢ်တၢ်တဖၣ်န့ၣ်လီၤ. ဒီးပှၤလၢအတၢ်ဟဲနုာ်စှၤတဖၣ်အိၣ်မူဘၣ်ဝဲကီခဲဒိၣ်ထီၣ်န့ၣ်လီၤ. ဆူၣ်ချ့တၢ်တိာ်ကျဲၤခံမံၤပၣ်ဃုာ်ဒီး တၢ်န့ၢ်ဘျုးဒီးတၢ်အက့ၢ်အဂီၤလီၤဆီတဖၣ် လၢတၢ်မၤစၢၤဝဲဒၣ်ပှၤလၢအိၣ်ဒီး Medicaid ဒီး Medicare အဂီၢ်န့ၣ်လီၤ.  တၢ်န့ၢ်ဘျုးသ့ၣ်တဖၣ်အံၤတနီၤနီၤ, ဒ်အမ့ၢ် စ့ကဒွဲတဖၣ် လၢတၢ်ပှ့ၤဝဲဒၣ် OTC တၢ်ဖိတၢ်လံၤ ဒီး တၢ်ကျၢၢ်ဘၢဝဲဒၣ် တၢ်ကစဲးကစီးတဖၣ်, တၢ်ကွၢ်ထွဲမဲ ဒီး တၢ်အုၣ်ကီၤကသံၣ်လၢကသံၣ်သရၣ်ကွဲးနဲၣ်လီၤ, လၢနသ့ၣ်ညါဘၣ်ဃးအဂ့ၢ်န့ၣ်လီၤ. ဘၣ်ဆၣ်ဆူၣ်ချ့တၢ်တိာ်ကျဲၤခံမံၤ ဟ့ၣ်လီၤမၤစၢၤစ့ၢ်ကီး တၢ်န့ၢ်ဘျုးဒီးတၢ်အက့ၢ်အဂီၤအဂၤတဖၣ်အါမး လၢအမၤကမၢကမၣ်နၤန့ၣ်လီၤ.* ဖးဘၣ်အဂ့ၢ်အကျိၤလၢနကမၤလိနၢ်ပၢၢ်အါထီၣ်အဂီၢ်တက့ၢ်.

တၢ်ကွၢ်ထွဲဆူၣ်ချ့ကမ့ၢ်သ့ၣ်သ့ၣ်တၢ်သးဒ့ဒီလၢပှၤတဂၤဂၤအဂီၢ်န့ၣ်လီၤ. ဘၣ်ဆၣ်ကမ့ၢ်သ့ၣ်သ့ၣ်တၢ်ကီတၢ်ခဲဒိၣ်ထီၣ်လၢပှၤလၢအိၣ်ဒီး Medicaid ဒီး Medicare အဂီၢ်န့ၣ်လီၤ. ဆူၣ်ချ့တၢ်တိာ်ကျဲၤခံမံၤတနီၤနီၤကဆှၢနုာ်ပာ်ဖျါန့ၢ်နၤလၢပှၤပၢဆှၢတၢ်ကွၢ်ထွဲနီၢ်ကစၢ်မူဒါခိၣ်န့ၣ်လီၤ. တၢ်အဝဲန့ၣ်မ့ၢ်ပှၤတဂၤဂၤလၢအမၤစၢၤနၤသ့ဝဲ-

• သ့ၣ်ညါနၢ်ပၢၢ်န Medicaid ဒီး Medicare တၢ်န့ၢ်ဘျုးတဖၣ်အဂ့ၢ်တက့ၢ်.
• သုးကျဲၤနကသံၣ်သရၣ်, ကသံၣ်သရၣ်လီၤဆီဒီးတၢ်မၤစၢၤတၢ်ကွၢ်ထွဲတဖၣ်တက့ၢ်.
• မၤန့ၢ်တၢ်မၤစၢၤတဖၣ်လၢနလိၣ်ဘၣ်လၢနကတူၢ်ဘၣ်ပှဲၤဒီးတၢ်အိၣ်ဆူၣ်အိၣ်ချ့တသ့ဖဲအသ့တက့ၢ်. 
  

ဆူၣ်ချ့တၢ်တိာ်ကျဲၤခံမံၤတနီၤနီၤဆှၢနုာ်ပာ်ဖျါဝဲဒၣ်ကရၢဖိတဖၣ်လၢ personal emergency response system (PERS) (နီၢ်ကစၢ်ဂ့ၢ်ဂီၢ်အူတၢ်ခီဆၢအတၢ်မၤကျိၤကျဲ) လၢတအိၣ်ဒီးတၢ်အပှ့ၤကလံၤလီၤဆီန့ၣ်လီၤ. ဖဲဂ့ၢ်ဂီၢ်အူတၢ်မၤသးအပူၤ, PERS အတၢ်မၤကျိၤကျဲကဘျးစဲလိာ်သးဒီးကရၢဖိချ့သဒံးဃုာ်ဒီး ပှၤစံးဆၢတၢ်ဖိလၢတၢ်သိၣ်လိအီၤန့ၣ်လီၤ. ပှၤစံးဆၢတၢ်ဖိဟ့ၣ်နၤတၢ်မၤစၢၤလၢလီတဲစိဖီခိၣ်သ့ဝဲဒီးကဆှၢန့ၢ်နၤတၢ်မၤစၢၤဖဲနမ့ၢ်လိၣ်ဘၣ်အခါန့ၣ်လီၤ. PERS မ့ၢ်ဝဲတၢ်မၤပူၤဖျဲးတၢ်အိၣ်မူအတၢ်န့ၢ်ဘျုးတခါလၢအအိၣ်ဝဲဒၣ် 24 တနံၤလၢအနၣ်ရံၣ်တဖၣ်ဃုာ်ဒီးဆူၣ်ချ့တၢ်တိာ်ကျဲၤခံမံၤလၢ UnitedHealthcare အအိၣ်န့ၣ်လီၤ.

တမ့ၢ်တၢ်အညီထီဘိလၢတၢ်ကလဲၤထံၣ်လိာ်ကသံၣ်သရၣ်န့ၣ်လီၤ. Virtual Medical Visits (တၢ်မၤတၢ်ထံၣ်လိာ်ကူစါသးလၢအ့ထၢၣ်နဲးဖီခိၣ်) ပျဲဝဲဒၣ်ကရၢဖိတဖၣ်ကတိၤသကိးတၢ်ဒီးကသံၣ်သရၣ်ဖဲတၢ်ဂီၤမူဖီခိၣ် (video chat) ဖဲအခီၣ်ဖၠူထၢၣ်, tablet မ့တမ့ၢ် smartphone အပူၤန့ၣ်လီၤ. ကသံၣ်သရၣ်တဖၣ်စံးဆၢတၢ်သံကွၢ်တဖၣ်သ့ဝဲဒီးကူစါယါဘျါဝဲဒၣ်မုၢ်ဆ့ၣ်မုၢ်ဂီၤတၢ်အိၣ်ဆူၣ်အိၣ်ချ့အတၢ်အိၣ်သးတဖၣ်အါမးန့ၣ်လီၤ. Virtual Medical Visits အိၣ်ပာ်ဝဲလၢ 24/7 အအိၣ်ဒီး မ့တမ့ၢ် တအိၣ်ဒီးတၢ်သ့ၣ်နံၤဖးသီန့ၣ်လီၤ.

နမ့ၢ်လဲၤတၢ်က့ၤတၢ် မ့တမ့ၢ် လဲၤအိၣ်သကိးဘူးတံၢ်တဖၣ်, မ့ၢ်တၢ်အဂ့ၤဝဲလၢနကသ့ၣ်ညါဝဲဒၣ်နအိၣ်ဒံးဒီးတၢ်ကျၢၢ်ဘၢလၢဂ့ၢ်ဂီၢ်အူဒီးသတူၢ်ကလာ်တၢ်ကွၢ်ထွဲအဂီၢ်န့ၣ်လီၤ. ဆူၣ်ချ့တၢ်တိာ်ကျဲၤခံမံၤအါမးပၣ်ဃုာ်ဒီး Worldwide Emergency Coverage လၢတၢ်ဒီသဒၢစၢၤဝဲဒၣ်ကရၢဖိတဖၣ်တဘျီလၢ်လၢ်ဒီးဖဲအဝဲသ့ၣ်လဲၤတၢ်က့ၤတၢ်တဘျီလၢ်လၢ်အခါန့ၣ်လီၤ.

ဆူၣ်ချ့တၢ်တိာ်ကျဲၤခံမံၤအတၢ်န့ၢ်ဘျုးအဒိၣ်ကတၢၢ်တခါမ့ၢ်ဝဲတလိၣ်နအိၣ်ခိးတၢ်လၢနကနုာ်ဆဲးလီၤမံၤအဂီၢ်န့ၣ်လီၤ. အါတက့ၢ်ပှၤဆီတလဲဝဲဒၣ်အ Medicare တၢ်တိာ်ကျဲၤသ့ထဲလၢ Medicare Annual Enrollment Period (AEP) (Medicare တနံၣ်တဘျီတၢ်နုာ်ဆဲးလီၤမံၤအကတီၢ်) ဖဲတၢ်စူၤခါအကတီၢ်န့ၣ်လီၤ. ဘၣ်ဆၣ်နမ့ၢ်ကြၢးဝဲဘၣ်ဝဲဒီး Medicaid ဒီးနုာ်ဆဲးလီၤမံၤဖဲ Medicare အပူၤန့ၣ်, ဘၣ်သ့ၣ်သ့ၣ်နနုာ်ဆဲးလီၤမံၤသ့ဝဲဖဲနံၣ်ခီၣ်ထံးအခီၣ်ထံး 9 လါဖဲ Special Enrollment Period (SEP) (တၢ်နုာ်ဆဲးလီၤမံၤအကတီၢ်လီၤဆီ) န့ၣ်လီၤ. ကွၢ်ဘၣ်လံာ်တၢ်ကွဲး ဖဲနနုာ်ဆဲးလီၤမံၤဖဲဆူၣ်ချ့တၢ်တိာ်ကျဲၤခံမံၤအပူၤသ့အခါ လၢနကသ့ၣ်ညါအါထီၣ်အဂ့ၢ်လၢပှဲၤအဂီၢ်တက့ၢ်.

*တၢ်န့ၢ်ဘျုး, တၢ်တိစၢၤမၤစၢၤဒီး/မ့တမ့ၢ် တၢ်ပီးတၢ်လီတဖၣ်လီၤဆီလိာ်သး လၢတၢ်တိာ်ကျဲၤ/လီၢ်ကဝီၤအဖီခိၣ်န့ၣ်လီၤ. တၢ်ကစူးကါ တၢ်ပာ်ပနီၣ်တဖၣ်, တၢ်ကွၢ်ကပာ်ကွံာ်တဖၣ် ဒီး/မ့တမ့ၢ် ပှာ်ဘျးစဲ တၢ်တြီဃာ်တဖၣ် လီၤ.