Medicaid ဆူၣ်ချ့တၢ်ကွၢ်ထွဲလၢဟံၣ်ဃီ

Medicaid ဆူၣ်ချ့တၢ်ကွၢ်ထွဲလၢဟံၣ်ဃီ မၤစၢၤ၀ဲဒၣ် မှံၤတုၤပှၢ်တီၤ အိၣ်ဆိးဘၣ်လၢအနီၢ်ကစၢ်ဟံၣ်ဃီဒၣ်၀ဲန့ၣ်လီၤႋ အါဒၣ်တက့ၢ်န့ၣ် ပှၤတဖၣ်လၢအိၣ်ဆိးလၢဟံၣ်သ့န့ၣ် လိၣ်ဘၣ် တၢ်အံးထွဲကွၢ်ထွဲလၢဟံၣ် မ့တမ့ၢ် တၢ်ကွၢ်ထွဲအလီၢ်န့ၣ်လီၤႋ ဘၣ်ဆၣ် ပှၤတနီၤ ကလိၣ်ဘၣ်တၢ်မၤစၢၤအဂၤ တဆံးတက့ၢ်လၢ ကအိၣ်မူဘၣ်ပူၤဖျဲးဒီးတၢ်လီၤဘၣ်ယိၣ်လၢဟံၣ်ဃီပူၤန့ၣ်လီၤႋ မ့ၢ်တၢ်အိၣ်သးလၢ Medicaid တၢ်ကွၢ်ထွဲတုၤဟံၣ်တုၤဃီ နုာ်လီၤမၤတၢ် န့ၣ်လီၤႋ

ကီၢ်စၢဖှိၣ်ပဒိၣ် လိၣ်ဘၣ်၀ဲ ကီၢ်စဲၣ်တဖၣ် 50 ခဲလၢာ် လၢကဟ့ၣ်ဘၣ်၀ဲ တၢ်ကွၢ်ထွဲတုၤဟံၣ်တုၤဃီအတၢ်န့ၢ်ဘျုး တမံၤမံၤ ခီဖျိ Medicaid န့ၣ်လီၤႋ ဘၣ်ဆၣ် Medicaid တၢ်တိာ်ကျဲၤတဖၣ် ဆီတလဲသးလၢကီၢ်စဲၣ်တဘ့ၣ်ဒီးတဘ့ၣ် န့ၣ်လီၤႋ လၢတၢ်အံၤအဃိန့ၣ် တၢ်ကွၢ်ထွဲလၢဟံၣ်ပူၤ အနီၣ်ဂံၢ် ဒီး Medicaid တၢ်ကွၢ်ထွဲတုၤဟံၣ်တုၤဃီ အကလုာ်တဖၣ် တၢ်မၤန့ၢ်ဘၣ်အီၤသ့ဒိးသန့ၤထီၣ်သးလၢနအိၣ်ဆိးတၢ်လီၢ်ဖဲလဲၣ်န့ၣ်လီၤႋ

ဒ်န့ၣ်အသိး တၢ်ကစူးကါ တၢ်ကတိၤ တၢ်ကွၢ်ထွဲလၢဟံၣ် လၢတၢ်လီၢ်တၢ်ကျဲအဂၤတဖၣ် တလၢထီၣ်ကွံာ် ပှၤတဂၤဂၤအနီၢ်ကစၢ်ဟံၣ် သ့န့ၣ်လီၤႋ Medicaid တၢ်ကွၢ်ထွဲလၢဟံၣ်ပူၤ န့ၣ်ဒိးန့ၢ်ဘၣ်အီၤလၢ တံၤသကိး မ့တမ့ၢ် ဘူးတံၢ် အဟံၣ် တၢ်ကွၢ်ထွဲလုၢ်ဒိၣ်ပှၤဒိၣ်တုာ်ခိၣ်ပှဲၤတၢ်လီၢ် မ့တမ့ၢ် တၢ်တိစၢၤမၤစၢၤတၢ်အိၣ်ဆိးအလီၢ် သ့န့ၣ်လီၤႋ

ကီၢ်စဲၣ် Medicaid တၢ်တိာ်ကျဲၤတဖၣ် အုၣ်ကီၤလုၢ်ဘၢ၀ဲ တၢ်မၤစၢၤအပတီၢ်ရဲၣ်အါမံၤန့ၣ်လီၤႋ အိၣ်စ့ၢ်ကီးဒီကျဲတဖၣ်လၢ ကီၢ်စဲၣ်တဖၣ်ဃုထၢ၀ဲလၢကအုၣ်ကီၤလုၢ်ဘၢ Medicaid ဆူၣ်ချ့တၢ်မၤစၢၤလၢဟံၣ် န့ၣ်လီၤႋ တၢ်မ့ၢ်တအုၣ်ကီၤလုၢ်ဘၢ တၢ်ကွၢ်ထွဲပှၤဆါလၢဟံၣ်ပူၤ ခီဖျိကီၢ်စဲၣ်အ Medicaid တၢ်တိာ်ကျဲၤညီနုၢ်တခါဘၣ်သနာ်က့ တၢ်ကဟ့ၣ်ဒံးအီၤခီဖျိ၀ဲဒၣ် Home and Community Based Services (ဟံၣ်ဒီးပှၤတ၀ၢလီၢ်က၀ီၤတၢ်မၤစၢၤ) (HCBS) တၢ်တိာ်ကျဲၤတဖၣ် န့ၣ်လီၤႋ

လံာ်တိၤရဲၣ်လၢလာ်အံၤ ပာ်ဖျါ၀ဲ Medicaid ဆူၣ်ချ့တၢ်မၤစၢၤလၢဟံၣ် အကလုာ်တဖၣ် လၢအါဒၣ်တက့ၢ်မၤန့ၢ်အီၤသ့လၢကီၢ်စဲၣ်တဖၣ်န့ၣ်လီၤႋ

တၢ်ကွၢ်ထွဲပှၤဆါလၢဟံၣ်ပူၤ တနီၤနီၤ ဒ်အမ့ၢ် တၢ်ကွၢ်ထွဲပှၤဆါလၢအကံၢ်စီလၢပှဲၤ ဒီး တၢ်ကူစါယါဘျါလၢတၢ်ဒုးဖံးဒုးမၤတၢ် တၢ်စံးကတိၤဒီးတၢ်မၤနီၢ်ခိတၢ်ဟူးတၢ်ဂဲၤ တဖၣ်အံၤ ဘၣ်တၢ်မၤအီၤခီဖျိလၢ ပှၤကံၢ်စီစဲၣ်နီၤတဖၣ်လၢ အကံၢ်စီပတီၢ်တုၤထီၣ်ဘး အိၣ်ဒီးလံာ်အုၣ်သးအဖိးသဲစး န့ၣ်လီၤႋ တၢ်ဖံးတၢ်မၤအစၤတဖၣ် ဒ်အမ့ၢ် တၢ်မၤကဆှီဟံၣ်ခိၣ်ဟံၣ်ဃၢၤ ဒီးတၢ်ဖီတၢ်အီၣ်တၢ်အီန့ၣ် ပှၤဟံၣ်ဖိဃီဖိတဖၣ် တံၤသကိး မ့တမ့ၢ် ပှၤကွၢ်ထွဲတၢ်လၢတၢ်ငါန့ၢ်အီၤ မၤ၀ဲဒၣ်သ့န့ၣ်လီၤႋ

ဒ်တၢ်ပာ်ဖျါတ့ၢ်လံအသိး တၢ်ဘျၢတဖၣ်လၢ Medicaid အဂီၢ်န့ၣ် သန့ၤထီၣ်သးလၢကီၢ်စဲၣ်လၢတအိၣ်ဆိးအပူၤန့ၣ်လီၤႋ နဒိးန့ၢ်ဘၣ်တၢ်ကွၢ်ထွဲထဲလဲၣ်န့ၣ် ကဒိးသန့ၤထီၣ်သးစ့ၢ်ကီးလၢ Medicaid တၢ်တိာ်ကှဲၤအကလုာ်လၢနဆဲးလီၤမံၤန့ၣ်လီၤႋ ဆူၣ်ချ့တၢ်ကွၢ်ထွဲလၢဟံၣ်ဃီ အပတီၢ်လၢ Medicaid ဟ့ၣ်၀ဲ မ့ၢ်တၢ်လၢဒိးသန့ၤထီၣ်သးနီၢ်နီၢ်လၢ ပှၤတဂၤစုာ်စုာ်အတၢ်လိၣ်ဘၣ်ဖီခိၣ်န့ၣ်လီၤႋ Medicaid တၢ်တိာ်ကျဲၤတဖၣ်တနီၤနီၤ ကဟ့ၣ်ဘူးလဲလၢ နီၢ်ကစၢ်ပှၤမၤစၢၤတၢ်တဂၤ အဂီၢ် လၢတနံၤအါနၣ်ရံၣ်ဂီၢ် လၢတနွံပူၤအါသီ န့ၣ်လီၤႋ တၢ်တိာ်ကျဲၤအဂၤတဖၣ် ကအုၣ်ကီၤလုၢ်ဘၢထဲဒၣ် မုၢ်ဆါခီတၢ်ကွၢ်ထွဲပှၤဒိၣ်တုာ်ခိၣ်ပှဲၤ လၢတနွံပူၤအါသီ န့ၣ်လီၤႋ

တၢ်ပာ်ပနီၣ်အဂံၢ်ခီၣ်ထံးအိၣ်၀ဲ 2 ထံၣ် လၢကနဘၣ်တုၤထီၣ်ဘးအီၤ ဒ်သိးကကြၢး၀ဲဘၣ်၀ဲလၢ Medicaid ဆူၣ်ချ့တၢ်ကွၢ်ထွဲလၢဟံၣ်ဃီ တၢ်မၤစၢၤအဂီၢ်-

1. ကျိၣ်စ့ဂ့ၢ်၀ီတၢ်ပာ်ပနီၣ် - ကီၢ်စဲၣ်တဘ့ၣ်စုာ်စုာ် အိၣ်ဒီးတၢ်ပာ်ပနီၣ်အဆၢ လၢ နကျိၣ်စ့တၢ်ဟဲနုာ်အိၣ်သ့ထဲလဲၣ် မ့တမ့ၢ် တၢ်လၢနပၢဘၣ်အလုၢ်ပှ့ၤအိၣ်ထဲလဲၣ် န့ၣ်လီၤႋ ဘၣ်ဆၣ် တၢ်ပာ်ပနီၣ်အဆၢလၢကကြၢး၀ဲဘၣ်လၢ HCBS တၢ်မၤစၢၤအဂီၢ် ဘၣ်သ့ၣ်သ့ၣ်ကအါန့ၢ်ဒံးပတီၢ်မုၢ် Medicaid န့ၣ်လီၤႋ
2. Medical တၢ်လိၣ်ဘၣ် — အါတက့ၢ်ကီၢ်စဲၣ် Medicaid တၢ်တိာ်ကျဲၤတဖၣ် လိၣ်ဘၣ်၀ဲပှၤဒိးန့ၢ်တၢ်ဖိတဖၣ် ကပာ်ဖျါ၀ဲလၢ အလိၣ်ဘၣ် ဆူၣ်ချ့ဂ့ၢ်၀ီတၢ်ကွၢ်ထွဲလၢဟံၣ်ပူၤ မ့တမ့ၢ် တၢ်မၤစၢၤလၢ တၢ်လုၢ်ထံ တၢ်ကူထီၣ်သိးထီၣ် တၢ်အီၣ်တၢ်အီတၢ် ဒီး တၢ်အိၣ်မူတနံၤစုာ်စုာ်အတၢ်ဟူးတၢ်ဂဲၤအဂၤတဖၣ် န့ၣ်လီၤႋ လၢကကြၢး၀ဲဘၣ်၀ဲဒီး HCBS တၢ်တိာ်ကျဲၤတဖၣ်အဂီၢ် ပှၤဒိးန့ၢ်တၢ်ဖိတဖၣ် အါတက့ၢ်လိၣ်ဘၣ်တၢ်ကွၢ်ထွဲအပတီၢ်တမံၤဃီ လၢဘၣတၢ်ဟ့ၣ်အီၤလၢ တၢ်ကွၢ်ထွဲမှံၤတုာ်ပှၢ်တီၤတၢ်လီၢ် အသိးန့ၣ်လီၤႋ

အိၣ်ဒီးကျဲတဖၣ်လၢကမၤန့ၢ်ဘၣ်အါထီၣ်တၢ်မၤစၢၤအဂၤ လၢကမၤညီထီၣ်တၢ်အိၣ်မူန့ၣ်လီၤႋ နမ့ၢ်အိၣ်ဒီး Medicaid ဒီး Medicare ခံမံၤလိာ်န့ၣ်, နကကြၢးဝဲဘၣ်ဝဲဒီး Dual Special Needs Plans (D-SNP) (တၢ်လိၣ်ဘၣ်လီၤဆီတၢ်ရဲၣ်တၢ်ကျဲၤခံမံၤ) န့ၣ်လီၤ. D-SNP တၢ်တိာ်ကျဲၤ မၤသကိးတပူၤဃီဒီးန Medicaid ဆူၣ်ချ့တၢ်တိာ်ကျဲၤ န့ၣ်လီၤ. နကပာ်ဃာ်ဝဲဒၣ်န Medicaid တၢ်န့ၢ်ဘျုးခဲလၢာ်န့ၣ်လီၤ. လၢန့ၣ်အမဲာ်ညါ နကန့ၢ်ဘၣ် တၢ်န့ၢ်ဘျုးအဂၤ လၢ ဂံၢ်ခီၣ်ထံး Medicare တအုၣ်ကီၤလုၢ်ဘၢ၀ဲဘၣ်န့ၣ်လီၤႋ* Dual Special Needs တၢ်တိာ်ကျဲၤအိၣ်ဒီး $0 ဖြံၣ်မံယၢၣ်လၢ ကရၢဖိလၢအိၣ်ဒီး Extra Help (တၢ်မၤစၢၤအဂၤ) (တၢ်ဟဲနုာ်စှၤ စ့ဆီၣ်ထွဲ) အဂီၢ်လီၤ. ကွၢ်ဒ်သိးကသ့ၣ်ညါမ့ၢ်နကြၢးတကြၢးဒီး တၢ်လိၣ်ဘၣ်လီၤဆီအတၢ်ရဲၣ်တၢ်ကျဲၤကတြဲၤ တက့ၢ်.

တၢ်န့ၢ်ဘျုး, တၢ်အက့ၢ်ဂီၤလီၤဆီဒီး/မ့တမ့ၢ် တၢ်ပိးတၢ်လီလီၤဆီလိာ်သးတဖၣ်ခီဖျိတၢ်တိာ်ကျဲၤ/လီၢ်ကဝီၤန့ၣ်လီၤ. တၢ်စူးကါတၢ်ပာ်ပနီၣ်ဒီးတၢ်ပာ်ကပာ်ကွံာ်တဖၣ်.