Medicaid မ့ၢ်မနုၤဒီးအကျၢၢ်ဘၢဝဲဒၣ်တၢ်မနုၤလဲၣ်.

Medicaid မ့ၢ်ဝဲဖဲၣ်ဒရၢၣ်ကီၢ်စၢဖှိၣ်ဒီးကီၢ်စဲၣ်တၢ်တိာ်ကျဲၤလၢအဟ့ၣ်လီၤတၢ်ကွၢ်ထွဲဆူၣ်ချ့တၢ်အုၣ်ကီၤဆူပှၤလၢအကြၢးဝဲဒီးခွဲးယာ်တဖၣ်အဂီၢ်န့ၣ်လီၤ. ကီၢ်စဲၣ်တဘ့ၣ်စုာ်စုာ်ရဲၣ်ကျဲၤမၤဝဲဒၣ်အနီၢ်ကစၢ် Medicaid တၢ်တိာ်ကျဲၤ, ဘၣ်ဆၣ်ဖဲၣ်ဒရၢၣ်ကီၢ်စၢဖှိၣ်ပဒိၣ်အိၣ်ဒီးအတၢ်သိၣ်တၢ်သီတၢ်ဘျၢတဖၣ်လၢကီၢ်စဲၣ်ကိးဘ့ၣ်ဒဲးဘၣ်လူၤပိာ်မၤထွဲဝဲန့ၣ်လီၤ. ဖဲၣ်ဒရၢၣ်ကီၢ်စၢဖှိၣ်ပဒိၣ်ဟ့ၣ်လီၤမၤစၢၤစ့ၢ်ကီးစ့ဆီၣ်ထွဲအစှၤကတၢၢ်တဝာ်ဃၣ်ဃၣ်လၢအဝဲသ့ၣ် Medicaid တၢ်လိၣ်တဖၣ်အဂီၢ်န့ၣ်လီၤ.

ဒိးသန့ၤထီၣ်သးလၢ ကီၢ်စၢဖှိၣ်တၢ်သိၣ်တၢ်သီအသိး ကီၢ်စဲၣ်တဖၣ် ဒုးအိၣ်ထီၣ်ဒီးရဲၣ်ကျဲၤမၤ၀ဲဒၣ် အနီၢ်ကစၢ် Medicaid တၢ်တိာ်ကျဲၤ ဒ်သိးကမၤစၢၤဘၣ်အပှၤကမျၢၢ်ဖိတဖၣ် လၢအကြၢး၀ဲဘၣ်၀ဲအဂီၢ်န့ၣ်လီၤႋ ကီၢ်စဲၣ်တဖၣ် ဆၢတဲာ်လၢကဟ့ၣ်အါထီၣ်တၢ်မၤစၢၤ အါန့ၣ်ဒံးလၢကီၢ်စၢဖှိၣ်ပဒိၣ်လိၣ်ဘၣ်၀ဲသ့ ဒီးအ၀ဲသ့ၣ်ကဘၣ်ဃုထၢလၢကဟ့ၣ်တၢ်အုၣ်ကီလုၢ်ဘၢဆူ ပှၤကရူၢ်အအါတဖၣ် သ့စ့ၢ်ကီးန့ၣ်လီၤႋ Medicaid ဟ့ၣ် ဆူၣ်ချ့မၤစၢၤတၢ်အုၣ်ကီၤလုၢ်ဘၢ လၢပှၤလၢအကြၢးတုၤထီၣ်ဘးအဂီၢ် ဒိးသန့ၤထီၣ်သးလၢ ကျိၣ်စ့တၢ်ဟဲနုာ်ဒီး တၢ်လၢအ၀ဲသ့ၣ်ပၢဘၣ်အလုၢ်ပှ့ၤဖီခိၣ် န့ၣ်လီၤႋ

Medicaid စးထီၣ်သီဒ်အမ့ၢ်၀ဲဒၣ် ပှၤဂ့ၢ်၀ီတၢ်ဘံၣ်တၢ်ဘၢသဲစးတၢ်ဘျၢ အဆၢတကူာ်အသိး1965န့ၣ်လီၤႋ ဂံၢ်ခီၣ်ထံးတၢ်သိၣ်တၢ်သီ ဟ့ၣ်တၢ်ပျဲလၢကီၢ်စဲၣ်တဖၣ် အတၢ်ဒိးန့ၢ်ဘၣ် ကီၢ်စၢဖှိၣ်စ့ဆီၣ်ထွဲအကျဲ ဒ်သိးကဟ့ၣ်ဘၣ် ဆူၣ်ချ့မၤစၢၤတၢ်အုၣ်ကီၤလုၢ်ဘၢ ဆူပှၤဖိသၣ်တဖၣ်လၢ အဟံၣ်ဖီဃီဖိကျိၣ်စ့တၢ်စဲနုာ်စှၤအဂီၢ် အဘူးတံၢ်ကွၢ်ထွဲတၢ်တဖၣ် ပှၤတဖၣ်လၢ မ့ၢ်ပှၤမဲာ်ဘျီၣ်လၢနီၢ်ခိက့ၢ်ဂီၤတလၢပှဲၤ အဂီၢ်န့ၣ်လီၤႋ ယံာ်တ့ၢ်၀ဲလံ လၢကီၢ်စၢဖှိၣ်ပဒိၣ် မၤဆူၣ်ထီၣ်၀ဲဒၣ် တၢ်သိၣ်တၢ်ဒီးတၢ်ဘျၢတဖၣ် လၢကီၣ်စဲၣ် Medicaid တၢ်တိာ်ကျဲၤတဖၣ်အဂီၢ်န့ၣ်လီၤႋ

Medicaid တၢ်တိာ်ကျဲၤတဖၣ် မၤတၢ်လၢပှၤကရူၢ်လီၤဆီတဖၣ်အဂီၢ် ပာ်ဃုာ်ဒီး-

• ပိာ်မုၣ်လၢအိၣ်ဒီးဟုးသးဒီးအတၢ်ဟဲနုာ်စှၤ
• ဖိသၣ်အဟံၣ်ဖိဃီဖိတဖၣ်လၢအတၢ်ဟဲနုာ်စှၤ
• ဖိသၣ်ဖဲတၢ်ကွၢ်ထွဲအလီၢ်
• ပှၤလၢအိၣ်ဒီးနီၢ်ခိက့ၢ်ဂီၤတလၢပှဲၤတဖၣ်
• ပှၤသးပှၢ်လၢအတၢ်ဟဲနုာ်စှၤ
• မိၢ်ပၢ် မ့တမ့ၢ် ပှၤကွၢ်ထွဲတၢ်ဖိလၢအတၢ်ဟဲနုာ်စှၤ

ကီၢ်စဲၣ်တဖၣ် ဃုထၢလၢကမၤလဲၢ်ထီၣ်၀ဲ တၢ်ကြၢး၀ဲဘၣ်၀ဲအတကွီၣ် ဆူပှၤကရူၢ်အဂၤတဖၣ်သ့ ဒ်အမ့ၢ် ပှၤတဖၣ်လၢကျိၣ်စ့တၢ်ဟဲနုာ်စှၤ လၢအိၣ်ဒီးအဖိမ့ၢ်ဂ့ၤ တအိၣ်မ့ၢ်ဂ့ၤ န့ၣ်လီၤႋ

CHIP, တၢ်ကတိၤအပှဲၤမ့ၢ်၀ဲ Children’s Health Insurance Program (ဖိသၣ်ဆူၣ်ချ့ဂ့ၢ်၀ီတၢ်အုၣ်ကီၤအတၢ်တိာ်ကျဲၤ) ဟ့ၣ်၀ဲတၢ်အုၣ်ကီၤအပှၤစှၤ လၢပှၤဖိသၣ်တဖၣ်လၢ တတုၤထီၣ်ဘၣ် တၢ်ပာ်ပနီၣ် ကျိၣ်စ့တၢ်ဟဲတုာ်အတၢ်ကြၢး၀ဲဘၣ်၀ဲ လၢ Medicaid အဂီၢ်န့ၣ်လီၤႋ CHIP ဟ့ၣ်စ့ၢ်ကီး၀ဲတၢ်အုၣ်ကီၤလုၢ်ဘၢလၢ ပှၤမိၢ်ဒၢတဖၣ်အဂီၢ် လၢကီၢ်စဲၣ်တနီၤနီၤ ဘၣ်ဆၣ် တလုၢ်ဘၢဃုာ် ပှၤဒိၣ်တုာ်ခိၣ်ပှဲၤတဖၣ်လၢကွၢ်ထွဲပှၤဖိသၣ် လၢအကြၢးထီၣ်ဘး CHIP အဂီၢ်ဘၣ်န့ၣ်လီၤႋ

ကီၢ်စဲၣ်တဘ့ၣ်ဒီးတဘ့ၣ် ဆၢတဲာ်လီၤ တၢ်န့ၢ်ဘျုးအပတီၢ်လၢပှဲၤ လၢလုၢ်ဘၢကဟုကယာ်တၢ်အိၣ်လၢ Medicaid ဖီလာ် န့ၣ်လီၤႋ ကီၢ်စၢဖှိၣ်တၢ်သိၣ်တၢ်သီ လိၣ်ဘၣ်၀ဲလၢ ကီၢ်စဲၣ်တဖၣ် ကဟ့ၣ်ဘၣ်တၢ်န့ၢ်ဘျုးအနီၢ်နီၣ် လၢတၢ်ကိးအီၤလၢ တၢ်န့ၢ်ဘျုးလၢတၢ်ဘၣ်လူၤပိာ်မၤထွဲအီၤ န့ၣ်လီၤႋ ကီၢ်စဲၣ်တဖၣ် ဆၢတဲာ်လၢကဟ့ၣ်ဘၣ် တၢ်န့ၢ်ဘျုးအဂၤတဖၣ် ဒီးတၢ်မၤစၢၤတဖၣ် ခီဖျိ Medicaid သ့န့ၣ်လီၤႋ တၢ်ကိးဝဲဒၣ်တၢ်သ့ၣ်တဖၣ်အံၤလၢတၢ်န့ၢ်ဘျုးလၢတၢ်ဃုထၢမၤအီၤသ့န့ၣ်လီၤ. လံာ်တိၤရဲၣ်လၢလာ်အံၤ ပာ်ဖျါ၀ဲဒၣ် တၢ်န့ၢ်ဘျုးလၢတၢ်ဘၣ်လူၤပိာ်မၤထွဲအီၤ ဒီး Medicaid တၢ်န့ၢ်ဘျုး မနုၤတဖၣ်လၢတၢ်ဃုထၢအီၤသ့ န့ၣ်လီၤႋ

*တၢ်အံၤပာ်ဃုာ်ဒီး တၢ်ဖံးတၢ်မၤတဖၣ်လၢ ဘၣ်တၢ်မၤကဲထီၣ်လိာ်ထီၣ်လၢ တၢ်ဘူၣ်တၢ်ဘါတၢ်ကွၢ်ထွဲတၣ်အိၣ်ဆူၣ်အိၣ်ချ့အတၢ်ကရၢကရိ လၢတမ့ၢ်ဆူၣ်ချ့ဂ့ၢ်၀ီတၢ်ကူစါယါဘျါ တၢ်ဆါဟံၣ်ဂ့ၢ်ဂီၢ်အူသနၢၣ် ခီဖျိတၢ်ဆါဟံၣ်လၢတမ့ၢ်ဆူၣ်ချ့ဂ့ၢ်၀ီတၢ်ကွၢ်ထွဲကံၢ်စီစဲၣ်နီၤ ဒီး တၢ်စူးကါတၢ်ဆါဟံၣ်အကါဒိၣ် (CAH) Medicaid ကသံၣ်ထံလဲအတၢ်အုၣ်ကီၤလုၢ်ဘၢ န့ၣ်လီၤႋ

ကသံၣ်ထံလဲအကသံၣ်ကသီတၢ်အုၣ်ကီၤလုၢ်ဘၢ မ့ၢ်တၢ်န့ၢ်ဘျုးအတၢ်ဃုထၢတခါလၢ ကီၢ်စၢဖှိၣ် Medicaid တၢ်သိၣ်တၢ်သီဖီလာ်န့ၣ်လီၤႋ ဘၣ်ဆၣ် ဒ်လၢ 2020 အသိးန့ၣ် ကီၢ်စဲၣ်ခဲလၢာ်တဖၣ် ပာ်ဃုာ်ဒီး ကသံၣ်ထံလဲအကွီၣ်ဒိတနီၤနီၤ တၢ်အုၣ်ကီၤလုၢ်ဘၢအီၤလၢ အ Medicaid တၢ်တိာ်ကျဲၤပူၤန့ၣ်လီၤႋ လၢအါဒၣ်တက့ၢ် ပှၤဆဲးလီၤမံၤတဖၣ် အါတက့ၢ်အိၣ်လၢ ကီၢ်စဲၣ်တဘ့ၣ်အ Medicaid တၢ်တိာ်ကျဲၤပူၤ ကဒိးန့ၢ်ဘၣ် ကသံၣ်ထံလဲအကသံၣ်ကသီတၢ်အုၣ်ကီၤလုၢ်ဘၢ န့ၣ်လီၤႋ
 

Medicaid တၢ်တိာ်ကျဲၤတဖၣ် ကအုၣ်ကီၤလုၢ်ဘၢစ့ၢ်ကီး တၢ်မၤစၢၤတုၤဟံၣ်တုၤဃီ- ဒီးလၢပှၤတ၀ၢပူၤတၢ်လီၢ်တၢ်ကျဲ (HCBS) အဂုၤဂၤလီၤဆီ သ့ဒ်သိးကဒုးအိၣ်မူစၢၤပှၤလၢဟံၣ်လၢဃီ ဒီးအိၣ်ဆူၣ်အိၣ်ချ့လၢပှၤတ၀ၢပူၤ အဂီၢ်သ့န့ၣ်လီၤႋ တၢ်ဆီၣ်ထွဲမၤစၢၤလၢတၢ်ဟ့ၣ်အီၤပတီၢ် မ့ၢ်တၢ်လၢဒိးသန့ၤထီၣ်သးနီၢ်နီၢ်လၢ ပှၤတဂၤစုာ်စုာ်အတၢ်လိၣ်ဘၣ်ဖီခိၣ်န့ၣ်လီၤႋ

တၢ်ကွၢ်ထွဲဆူၣ်ချ့တုၤဟံၣ်တုၤဃီဒီး တၢ်ကွၢ်ထွဲမှံၤတုၤပှၢ်တီၤအတၢ်အုၣ်ကီၤလုၢ်ဘၢ ကလုာ်အဒိတဖၣ် မ့ၢ်၀ဲ HBCS တၢ်တိာ်ကျဲၤအကူာ်အဒ့ လၢပာ်ဃုာ်ဒီး-

• တၢ်ကွၢ်ထွဲနီၢ်ကစၢ်ဒ်အမ့ၢ် တၢ်လုၢ်ထံလုၢ်နိ
• တၢ်ဆှၢထီၣ်ဆှၢလီၤ
• တၢ်ကွၢ်ထွဲပှၤဆါလၢအကံၢ်စီလၢပှဲၤ
• တၢ်ကူစါယါဘျါလၢတၢ်ဒုးဖံးဒုးမၤတၢ် တၢ်စံးကတိၤဒီးတၢ်မၤနီၢ်ခိတၢ်ဟူးတၢ်ဂဲၤ
• တၢ်ကွၢ်ထွဲရဲၣ်ကျဲၤတၢ်အီၣ်တၢ်အီတၢ် ဒီးတၢ်အီၣ်န့ၢ်ဂံၢ်န့ၢ်ဘါ (တၢ်အီၣ်တၢ်အကဲဘျုး)
• တၢ်အီၣ်တၢ်အီလၢတၢ်ဆှၢတုၤဟံၣ်တုၤဃီ
• ဟံၣ်ဃီတၢ်ဖံးတၢ်မၤဒီးတၢ်ကွၢ်ထွဲမၤကဆှီဟံၣ်ဃီ

HCBS တၢ်ဖံးတၢ်မၤတဖၣ်တနီၤနီၤ ဒ်အမ့ၢ် တၢ်ကွၢ်ထွဲပှၤဆါလၢအကံၢ်စီလၢပှဲၤ ဒီး တၢ်ကူစါယါဘျါလၢတၢ်ဒုးဖံးဒုးမၤတၢ် တၢ်စံးကတိၤဒီးတၢ်မၤနီၢ်ခိတၢ်ဟူးတၢ်ဂဲၤ တဖၣ်အံၤ ဘၣ်တၢ်မၤအီၤခီဖျိလၢ ပှၤကံၢ်စီစဲၣ်နီၤတဖၣ်လၢ အကံၢ်စီပတီၢ်တုၤထီၣ်ဘး ဒီးလၢတနီၤနီၤ အိၣ်ဒီးလံာ်အုၣ်သးအဖိးသဲစး န့ၣ်လီၤႋ တၢ်ဖံးတၢ်မၤအစၤတဖၣ် ဒ်အမ့ၢ် တၢ်မၤကဆှီဟံၣ်ခိၣ်ဟံၣ်ဃၢၤ ဒီးတၢ်ဖီတၢ်အီၣ်တၢ်အီန့ၣ် ပှၤဟံၣ်ဖိဃီဖိတဖၣ် တံၤသကိး မ့တမ့ၢ် ပှၤကွၢ်ထွဲတၢ်လၢတၢ်ငါန့ၢ်အီၤ မၤ၀ဲဒၣ်သ့န့ၣ်လီၤႋ

မ့ၢ်လၢကီၢ်စဲၣ်တဘ့ၣ်ဒီးတဘ့ၣ် ရဲၣ်ကျဲၤ၀ဲဒၣ်အနီၢ်ကစၢ် Medicaid တၢ်တိာ်ကျဲၤအဃိ ခွဲးယာ်တၢ်ကြၢး၀ဲဘၣ်၀ဲ လီၤဆီလိာ်သးလၢ ကီၢ်စဲၣ်တဘ့ၣ်ဒီးတဘ့ၣ်န့ၣ်လီၤႋ နမ့ၢ်အိၣ်ဒီးတၢ်သံကွၢ်တဖၣ် ဘၣ်ဃးဒီးခွဲးယာ်တၢ်ကြၢး၀ဲဘၣ်၀ဲအဂ့ၢ် ဆဲးကျၢ နကီၢ်စဲၣ် Medicaid ကရၢခၢၣ်စး တက့ၢ်ႋ မ့တမ့ၢ် ပတံထီၣ်လၢပှာ်ယဲၤဖီခိၣ် ဖဲပှာ်ယဲၤသန့လၢနကီၢ်စဲၣ် Medicaid ကရၢခၢၣ်စး လၢကသ့ၣ်ညါဘၣ်မ့ၢ်နခွဲးယာ်တုၤထီၣ်ဘးဧါ တက့ၢ်ႋ

တၢ်လီၤဘၣ်လီၤဆီအတၢ်ရဲၣ်တၢ်ကျဲၤကတြဲၤ (မ့တမ့ၢ် ဆူၣ်ချ့ဂ့ၢ်၀ီတၢ်ရဲၣ်တၢ်ကျဲၤခွဲးယာ်ကတြဲၤ) မ့ၢ်၀ဲဒၣ် ဆူၣ်ချ့တၢ်အုၣ်ကီၤအတၢ်ရဲၣ်တၢ်ကျဲၤတကလုာ် လၢပှၤတဖၣ်လၢအိၣ်ဒီး Medicaid ဒီး Medicare ခံမံၤလၢာ် န့ၣ်လီၤႋ ပှၤတဖၣ်အံၤ အိၣ်ဒီး "ခွဲးယာ်ကတြဲၤ" ခီဖျိလၢ အ၀ဲသ့ၣ်ကြၢး၀ဲဘၣ်၀ဲလၢကဒိးန့ၢ်ဘၣ် Medicaid တၢ်န့ၢ်ဘျုးအဂီၢ် ဃုာ်ဒီး Medicare တၢ်န့ၢ်ဘျုး အဂီၢ်စ့ၢ်ကီးန့ၣ်လီၤႋ

တၢ်လိၣ်ဘၣ်လီၤဆီအတၢ်ရဲၣ်တၢ်ကျဲၤကတြဲၤ ဟ့ၣ်အါထီၣ်၀ဲတၢ်မၤစၢၤ လၢပှၤတဖၣ်လၢလိၣ်ဘၣ်၀ဲ န့ၣ်လီၤႋ တၢ်ဝဲန့ၣ်ကမ့ၢ်သ့ၣ်သ့ၣ်တၢ်ဟဲနုာ်, နီၢ်ခိက့ၢ်ဂီၤတလၢပှဲၤ, သးနံၣ်ဒီး/မ့တမ့ၢ် ဆူၣ်ချ့တၢ်အိၣ်သးတဖၣ်န့ၣ်လီၤ. တၢ်လိၣ်ဘၣ်လီၤဆီအတၢ်ရဲၣ်တၢ်ကျဲၤကတြဲၤ မၤသကိးတၢ်ဒီးန Medicaid ဆူၣ်ချ့တၢ်တိာ်ကျဲၤ န့ၣ်လီၤႋ နကပာ်ဃာ်ဝဲဒၣ်န Medicaid တၢ်န့ၢ်ဘျုးခဲလၢာ်န့ၣ်လီၤ. ဆူၣ်ချ့ဂ့ၢ်၀ီတၢ်ရဲၣ်တၢ်ကျဲၤကတြဲၤတဖၣ် အါတက့ၢ်ဟ့ၣ်အါထီၣ်စ့ၢ်ကီးနၤ တၢ်န့ၢ်ဘျုးဒီးမၤတၢ်အါန့ၢ် တၢ်လၢနဒိးန့ၢ်ဘၣ်အီၤလၢ ဂံၢ်ခီၣ်ထံး Medicare န့ၣ်လီၤႋ ခဲလၢာ်န့ၣ်အစှၤဝဲတုၤ $0 တၢ်တိာ်ကျဲၤလၢအကံၢ်စီဂ့ၤဒိၣ်န့ၣ်လီၤ. * မၤလိအါထီၣ်ဘၣ်ဃး ဆူၣ်ချ့တၢ်အုၣ်ကီၤတၢ်တိာ်ကျဲၤခံမံၤ တၢ်ဘၣ်ဘျုးတဖၣ်တက့ၢ်. 

တၢ်န့ၢ်ဘျုး, တၢ်အက့ၢ်ဂီၤလီၤဆီဒီး/မ့တမ့ၢ် တၢ်ပိးတၢ်လီလီၤဆီလိာ်သးတဖၣ်ခီဖျိတၢ်တိာ်ကျဲၤ/လီၢ်ကဝီၤန့ၣ်လီၤ. တၢ်စူးကါတၢ်ပာ်ပနီၣ်ဒီးတၢ်ပာ်ကပာ်ကွံာ်တဖၣ်.