Medicaid တၢ်အုၣ်ကီၤစ့မၤစၢၤ လၢ ပှၤမိၢ်ဒၢတဖၣ်ဒီးအဖိဆံးတဖၣ်အဂီၢ်

Medicaid အုၣ်ကီၤလုၢ်ဘၢ၀ဲ ဖိသၣ်အိၣ်ဖျဲၣ်သီတဖၣ် ဘူးလၢတ၀ာ်ဃၣ်ဃၣ် လၢကီၢ်အမဲရကၤ အပူၤလၢတနံၣ်စုာ်စုာ် န့ၣ်လီၤႋ မ့ၢ်၀ဲဒၣ် ဆူၣချ့မၤစၢၤတၢ်အုၣ်ကီၤလုၢ်ဘၢ အတၢ်အိၣ်ယၢၤဂံၢ်ခိၣ်သ့ၣ် လၢ ပှၤမိၢ်ဒၢကျိၣ်စ့တၢ်ဟဲနုာ်စှၤ တဖၣ်အဂီၢ်န့ၣ်လီၤႋ Medicaid တၢ်အုၣ်ကီၤစ့မၤစၢၤ လၢ မိၢ်တဖၣ်အဂီၢ် စးထီၣ်သးဖဲ တၢ်အိၣ်ဒီးဟုးသး ဒီး အိၣ်ယံာ်ကတၢၢ် တုၤလၢအစှၤကတၢၢ် 60 သီ ဖဲအိၣ်ဖျဲၣ်ဖိ၀ံၤန့ၣ်လီၤႋ

လၢ 2023 န့ၣ် ခီကရဲး ဟ့ၣ်၀ဲဒၣ် ကျဲအသီတဖၣ်လၢ ကီၢ်စဲၣ်တဖၣ် ကမၤယံာ်ထီၣ် Medicaid တၢ်အုၣ်ကီၤစ့မၤစၢၤ လၢ မိၢ်တဖၣ်အဂီၢ် တုၤလၢ 12 လါ ဖဲအိၣ်ဖျဲၣ်ဖိ၀ံၤန့ၣ်လီၤႋ ကီၢ်အမဲရကၤ အကီၢ်စဲၣ်တဖၣ်ဘူးလၢတ၀ာ်ဃၣ်ဃၣ် ဃုထၢ၀ဲလၢကမၤ၀ဲဒ်အံၤန့ၣ်လီၤႋ ¹ ကီၢ်စဲၣ်တဖၣ်အါဘ့ၣ် တယာ်၀ဲလၢကစးထီၣ်မၤ၀ဲဖဲ 2023န့ၣ်လီၤႋ

တၢ်ပာ်ပနီၣ်ခွဲးနီၢ်နီၢ်လၢတၢ်ကြၢးဝဲဒီး Medicaid အဂီၢ်ဒိးသန့ၤထီၣ်သးလၢတၢ်လီၢ်ဖဲနအိၣ်ဆိးအဖီခိၣ်န့ၣ်လီၤ. ကီၢ်စဲၣ် Medicaid တၢ်တိာ်ကျဲၤတဖၣ် ကဘၣ်အုၣ်ကီၤလုၢ်ဘၢဃုာ် ပှၤမိၢ်ဒၢတဖၣ် လၢမၤန့ၢ် ကီၢ်စၢဖှိၣ်တၢ်ဖှီၣ်တၢ်ယာ်ပတီၢ် (FPL) 133% မ့တမ့ၢ် ဆူဖီလာ် န့ၣ်လီၤႋ ဘၣ်ဆၣ် ကီၢ်စဲၣ်တနီၤနီၤ ကအုၣ်ကီၤလုၢ်ဘၢဒံး၀ဲပှၤလၢမၤန့ၢ်၀ဲအါန့ၢ်အအံၤ န့ၣ်လီၤႋ ပှၤပိာ်မုၣ် လၢအကျိၣ်စ့ဟဲနုာ်အါတလၢကွံာ် အကြၢးဘၣ်ဒီး Medicaid အဂီၢ် ဘၣ်ဆၣ် ပှ့ၤဆူၣ်ချ့တၢ်အုၣ်ကီၤလၢအနီၢ်ကစၢ်တန့ၢ်ဘၣ်တဖၣ်န့ၣ် ဒိးန့ၢ်ဘၣ် ပှၤမိၢ်ဒၢတၢ်အုၣ်ကီၤစ့မၤစၢၤ သ့ခီဖျိ Children's Health Insurance Program (CHIP) န့ၣ်လီၤ. ပှၤနုာ်လီၤအိၣ်ကီၢ်ဖိးသဲစးတဖၣ် န့ၢ်ဘၣ်ဆူၣ်ချ့တၢ်အုၣ်ကီၤလုၢ်ဘၢခီဖျိ CHIP သ့စ့ၢ်ကီးန့ၣ်လီၤႋ

ပိာ်မုၣ်တဖၣ် ကြၢးပတံထီၣ် Medicaid လၢအဆိအချ့ဖဲသ့ၣ်ညါလီၤသးလၢဒၢထီၣ်န့ၣ်လီၤႋ တၢ်မၤဒံးအံၤ အ၀ံသ့ၣ်ကဒိးန့ၢ်ဘၣ်တၢ်အုၣ်ကီၤလုၢ်ဘၢလၢအဆိအချ့ န့ၣ်လီၤႋ

Medicaid အုၣ်ကီၤလုၢ်ဘၢ၀ဲ ပှၤမိၢ်ဒၢတဖၣ် တချုးအိၣ်ဖျဲၣ် ဖဲဒၢအခါဒီးဖဲအိၣ်ဖျဲၣ်ဖိ၀ံၤလီၢ်ခံန့ၣ်လီၤႋ တၢ်ကွၢ်ထွဲမိၢ်ဒၢကတီၢ် မ့ၢ်ဆၢကတီၢ်တုၤလၢအိၣ်ဖျဲၣ်ဖိန့ၣ်လီၤႋ တၢ်ကွၢ်ထွဲမိၢ်ဒၢကတီၢ်လၢအဂ့ၤမ့ၢ်တၢ်အကါဒိၣ်န့ၣ်လီၤႋ မ့ၢ်တၢ်သမံသမိးကွၢ် မိၢ်ဒီးဖိဆံးအတၢ်အိၣ်ဆူၣ်အိၣ်ချ့တၢ်အိၣ်ဒီးဟုးသးကတီၢ်န့ၣ်လီၤႋ မၤစၢၤစ့ၢ်ကီးကသံၣ်သရၣ်ပာ်ဖျါထီၣ်တၢ်ကီတၢ်ခဲတဖၣ်လၢကဟဲဘၣ်န့ၣ်လီၤႋ

Medicaid အုၣ်ကီၤလုၢ်ဘၢ တၢ်ဒိးကွၢ်တၢ်အိၣ်ဆူၣ်အိၣချ့အဆၢကတီၢ်ႋ အါတက့ၢ်ကီၢ်စဲၣ်တဖၣ် အုၣ်ကီၤလုၢ်ဘၢ မိၢ်ဒၢဘံၢ်တၣ်မံၣ် ဒီး တၢ်ဒိကွၢ် အၣ်ထြးစီ န့ၣ်လီၤႋ ပိာ်မုၣ်တဂၤမ့ၢ်လိၣ်ဘၣ် ဆူၣ်ချ့ယါဘျါတၢ်ကွၢ်ထွဲအကါဒိၣ်လၢအဂၤ ဖဲအိၣ်ဒီးဟုးသးဆၢကတီၢ်န့ၣ် Medicaid ကအုၣ်ကီၤလုၢ်ဘၢဃုာ်တၢ်မၤစၢၤတဖၣ်န့ၣ်လီၤႋ

Medicaid အုၣ်ကီၤလုၢ်ဘၢ တၢ်ကွၢ်ထွဲခဲလၢာ်ဖဲတၢ်အိၣ်ဖျဲၣ်ဖိဆၢကတီၢ် ပၣ်ဃုာ်ဒီး တၢ်ဆါဟံၣ် မ့တမ့ၢ် တၢ်အိၣ်ဖိဆံးစဲထၢၣ် အတၢ်ဘူးတၢ်လဲ န့ၣ်လီၤႋ Medicaid အုၣ်ကီၤလုၢ်ဘၢစ့ၢ်ကီး တၢ်ကွၢ်ထွဲဖဲတၢ်အိၣ်ဆိဆံး၀ံၤလီၢ်ခံ န့ၣ်လီၤႋ တၢ်ကိး၀ဲဒၣ်လၢ တၢ်အိၣ်ဖျဲၣ်ဖိဆံး၀ံၤလီၢ်ခံ ဆၢကတီၢ်န့ၣ်လီၤႋ မ့ၢ်တၢ်လီၤဘၣ်ယိၣ်အဆၢကတီၢ်လၢမိၢ်တဖၣ်ဒီးအဖိဆံးတဖၣ်အဂီၢ်သ့န့ၣ်လီၤႋ လၢတၢ်န့ၣ်အဃိ တၢ်မၤလိာ်ဒိးကွၢ်ထွဲသး ဘၣ်ဆၢဘၣ်ကတီၢ် မ့ၢ်တၢ်အကါဒိၣ်န့ၣ်လီၤႋ

ကီၢ်စဲၣ် Medicaid ဆူၣ်ချ့တၢ်တိာ်ကျဲၤ ပၣ်ဃုာ်ဒီး ဂံၢ်ခီၣ်ထံးတၢ်န့ၢ်ဘျုး န့ၣ်လီၤႋ ဘၣ်ဆၣ် UnitedHealthcare ကဟ့ၣ်၀ဲ တၢ်တိာ်ကျဲၤအဂၤတဖၣ် လၢပပှၤပိာ်မုၣ် Medicaid ကရူၢ်ဖိတဖၣ် အဂီၢ်န့ၣ်လီၤႋ * တၢ်တိာ်ကျဲၤတဖၣ်အံၤတနီၤနီၤ မၤလီၤတံၢ်စၢၤဘၣ်ပှၤပိာ်မုၣ်တဖၣ် အိၣ်ဒီးဟုးသးလၢပူၤဖျဲးဒီးတၢ်လီၤဘၣ်ယိၣ်ဒီးပှဲၤဒီးတၢ်အိၣ်ဆူၣ်အိၣ်ချ့န့ၣ်လီၤႋ လၢအဂၤတဖၣ် ကွၢ်ထွဲစၤမိၢ်တဖၣ်အဖိအိၣ်ဖျဲၣ်သီတဖၣ်ဖဲအိၣ်ဖျဲၣ်ထီၣ်၀ံၤလီၢ်ခံန့ၣ်လီၤႋ

ပတၢ်တိာ်ကျဲၤတဖၣ်လၢတီၣ်အါထီၣ်အလုၢ်ပှ့ၤ ပၣ်ဃုာ်ဒီး*-

• UnitedHealthcare Healthy First Steps® — ဃုစၢၤ ပှၤမိၢ်ဒၢခဲလၢာ်တဖၣ် ပှၤမၤစၢၤဖံးမၤတၢ် ဒီး ဆဲးကျၢ၀ဲဆူ လီၢ်က၀ီၤတၢ်အိၣ်ယၢၤတဖၣ်န့ၣ်လီၤႋ ဟ့ၣ်စ့ၢ်ကီးတၢ်မၤစၢၤအဂၤတဖၣ် ဖဲလၢတၢ်အိၣ်ဒီးဟုးသးအိၣ်ဒီးတၢ်လီၤဘၣ်ယိၣ်အါ အဆၢကတီၢ် ဒီးဖဲတၢ်အိၣ်ဖိဆံး၀ံၤလီၢ်ခံ အစှၤကတၢၢ် 2 လါန့ၣ်လီၤႋ
• ဒံးကၠံၢ်ထၢၣ်တၢ်ကူၣ်ဘၣ်ကူၣ်သ့ ဒီး တၢ်ဟ့ၣ်ခိၣ်ဖး — ဟ့ၣ်လီၤ၀ဲ တၢ်ကူၣ်ဘၣ်ကူၣ်သ့လၢတၢ်ဘှီဘၣ်ဆီတလဲ ခီဖျိ တၢ်အိၣ်ဒီးဟုးသးတဆီဘၣ်တဆီ န့ၣ်လီၤႋ ဒီးဟ့ၣ်ခိၣ်ဖးမိၢ်တဖၣ်လၢ တၢ်လဲၤဒိးကွၢ်သးဖဲအိၣ်ဒီးဟုးသးဆၢကတီၢ်ဒီးဖဲအိၣ်ဖိဆံး၀ံၤလီၢ်ခံန့ၣ်လီၤႋ
• တၢ်ဆှၢတၢ်အီၣ်တၢ်အီဆူဟံၣ် — ဆှၢလီၤတၢ်အီၣ်တၢ်အီဆူပိာ်မုၣ်တဖၣ်ဖဲစံၣ်လီၤတၢ်ဆါဟံၣ်၀ံၤလီၢ်ခံန့ၣ်လီၤႋ
• တၢ်ကွၢ်ထွဲပှၤဆါလၢဟံၣ်ပူၤ — လဲၤအိၣ်သကိးတၢ်ဒီးဆူၣ်ချ့ဂ့ၢ်၀ီဆီၣ်ထွဲမၤစၢၤဖဲအလီၢ်အိၣ်ႋ
• ဆီၣ်ထွဲမၤစၢၤတၢ်ဒုးအီဖိဆံးနုၢ်ထံ — ဟ့ၣ်မိၢ်အသီတဖၣ် တၢ်ဒိးကွၢ်သးခီဖျိလီၢ်ယံၤခီတုၤ လၢကအံးထွဲကွၢ်ထွဲစၢၤတၢ် တုၤလၢ 6 ဘျီန့ၣ်လီၤႋ
• Wellhop လၢမိၢ်ဒီးဖိဆံးအဂီၢ် — ဟ့ၣ်တၢ်ပျဲမိၢ်တဖၣ်လၢ ကပာ်ဖျါသကိး တၢ်ဟ့ၣ်ကူၣ်ဟ့ၣ်ဖးဒီးတၢ်ဂ့ၢ်တၢ်ကျိၤတဖၣ် ဆူပိာ်မုၣ်အဂၤတဖၣ် လၢတၢ်အိၣ်ဒီးဟုးသးဒီကတီၢ်ညါ ခီဖျိပှာ်ယဲၤဖီခိၣ်ပှၤတ၀ၢ န့ၣ်လီၤႋ
• တၢ်ဖိတၢ်လံၤတဖၣ် — ဟ့ၣ်၀ဲ ဖိသၣ်ခံပး သိလ့ၣ်လီၢ်ဆ့ၣ်နီၤ ပီးလီတၢ်ဆူးမိၢ်နုၢ်ထံ ဒီး တၢ်ဖိတၢ်လံၤဂံၢ်ခီၣ်ထံးအလီၢ်အိၣ်တဖၣ်ဖဲတၢ်အိၣ်ဒီးဟုးသး ဆၢကတီၢ်ဒီးတၢ်ကွၢ်ထွဲဖိဆံးအိၣ်ဖျဲၣ်သီတဖၣ်န့ၣ်လီၤႋ

*တိၢ်နီၣ်- တၢ်န့ၢ်ဘျုးတဖၣ် လီၤဆီလိာ်သးလၢတၢ်ရဲၣ်တၢ်ကျဲၤဒီးတၢ်မၤစၢၤအဟီၣ်၀ီၤ တတီၤစုာ်စုာ် န့ၣ်လီၤႋ အိၣ်ဒီးတၢ်ပာ်ပနီၣ်ဒီးတၢ်ပျဲပူၤလီၤဆီန့ၣ်လီၤႋ တၢ်ဂ့ၢ်တၢ်ကျိၤလီၤတံၢ်လီၤဆဲး ဘၣ်ဃးဒီး တၢ်န့ၢ်ဘျုးအလီၤတံၢ် အိၣ်လၢ Medicaid တၢ်တိာ်ကျဲၤတဖၣ်လၢနဟီၣ်က၀ီၤပူၤ အဂီၢ် ၀ံဿးစူၤ ဆဲးကျၢ တၢ်တိာ်ကျဲၤ ခီဖျိတၢ်စူးကါ ZIP နီၣ်ဂံၢ် ဖဲလၢနအိၣ်ဆိးတၢ်လီၢ် တက့ၢ်ႋ

ပှၤစဲၢ်နီၤမိၢ်ဒၢဂ့ၢ်၀ီ မ့ၢ်ပှၤတဂၤလၢတမ့ၢ်ကသံၣ်ကသီဂ့ၢ်၀ီဘၣ်မူဘၣ်ဒါ လၢဟ့ၣ်တၢ်ဆီၣ်ထွဲမၤစၢၤပှၤပိာ်မုၣ်တဖၣ် တချုးအိၣ်ဖိဆံး ဖဲအိၣ်ဖိးဆံးခါဒီးဖဲအိၣ်ဖိဆံး၀ံၤလီၢ်ခံ အဂီၢ်န့ၣ်လီၤႋ ပှၤစဲၢ်နီၤမိၢ်ဒၢဂ့ၢ်၀ီ တဲဒုးနၢ်ပၢၢ် ဆူၣ်ချ့ဂ့ၢ်၀ီတၢ်ဖံးတၢ်မၤကျဲပတီၢ်တဖၣ် လၢကျိာ်အညီန့ၣ်လီၤႋ အ၀ဲသ့ၣ်အံးထွဲကွၢ်ထွဲစၢၤတၢ်န့ၣ်လီၤႋ အ၀ဲသ့ၣ် မၤမုာ်ဘီၣ်ညီတၢ်ဖဲတၢ်အိၣဖိဆံးခါန့ၣ်လီၤႋ အ၀ဲသ့ၣ်သိၣ်လိစ့ၢ်ကီးပိာ်မုၣ်တဖၣ် ဘၣ်ဃး တၢ်သ့တၢ်ဘၣ်လၢတၢ်ကွၢ်ဆၢၣ်မဲာ်တၢ် ဒီး တၢ်ကွၢ်ထွဲဖိသၣ်အိၣ်ဖျဲၣ်သီ အဂ့ၢ်န့ၣ်လီၤႋ ပှၤစဲၢ်နီၤမိၢ်ဒၢဂ့ၢ်၀ီ ကွၢ်ထွဲတၢ်လၢမိၢ်ဒၢကွဲးအိၣဖျဲၣ်ဖိတနီၤနီၤအဂီၢ် စူးကါစှၤလီၤကသံၣ်ကသီမၤကယါတၢ်ဆါ ဒီး မၤစှၤလီၤ မိၢ်တၢ်သံတၢ်ပှၢ်အပတီၢ် န့ၣ်လီၤႋ ²

တနံၤအံၤ ကီၢ်စဲၣ်တဖၣ်အါန့ၣ်တ၀ာ်ဃၣ်ဃၣ် ဟ့ၣ်၀ဲ Medicaid တၢ်အုၣ်ကီၤလုၢ်ဘၢလၢ ပှၤစဲၢ်နီၤမိၢ်ဒၢဂ့ၢ်၀ီ မ့တမ့ၢ် ကျဲးစၢးမၤတၢ်လၢကဟ့ၣ်ဘၣ်၀ဲအဂီၢ်န့ၣ်လီၤႋ ³ UnitedHealthcare ရဲၣ်ကျဲၤမၤစ့ၢ်ကီးတၢ်လၢ ကဟ့ၣ်ဘၣ် ပှၤစဲၢ်နီၤမိၢ်ဒၢဂ့ၢ်၀ီ လၢကီၢ်စဲၣ်တဖၣ်လၢ Medicaid တအုၣ်ကီၤလုၢ်ဘၢ၀ဲဒၣ်န့ၣ်လီၤႋ ပမၤသကိးတၢ်ဒီး The Doula Network (TDN) န့ၣ်လီၤႋ လၢတၢ်ဖီၣ်သကိးစု ပၤကွၢ်၀ဲဒၣ် ပှၤစဲၢ်နီၤမိၢ်ဒၢဂ့ၢ်၀ီ တၢ်တိာ်ကျဲၤတဖၣ်လၢ ကီၢ်စဲၣ် 5 ဘ့ၣ်အပူၤ - Arizona, Kansas, Kentucky, Texas ဒီး Washington န့ၣ်လီၤႋ

ခီဖျိတၢ်ဟ့ၣ် ပှၤစဲၣ်နီၤမိၢ်ဒၢဂ့ၢ်၀ီ အဃိန့ၣ် UnitedHealthcare ခ့ခါချုးစိၤတၢ်မၤအသီကတၢၢ်လၢ Medicaid တၢ်ကွၢ်ထွဲလၢရဲၣ်ကျဲၤ၀ဲဒၣ်န့ၣ်လီၤႋ

¹ Medicaid တၢ်လူၤဃုသ့ၣ်ညါတၢ်မၤယံာ်ထီၣ် တၢ်အိၣ်ဖျဲၣ်ဖိ၀ံၤလီၢ်ခံတၢ်အုၣ်ကီၤစ့မၤစၢၤ (KFF, လါယူၤ 02, 2023)
² ဆၢကတီၢ်တလၢကွံာ်- Medicaid ဒီး ပှၤစံၢ်နီၤမိၢ်ဒၢဂ့ၢ်၀ီ အတၢ်အုၣ်ကီၤစ့မၤစၢၤလီၤဆီ လၢက မၤဆူၣ်ထီၣ်မိၢ်ဒီးဖိအိၣ်ဖျဲၣ်သီတၢ်အိၣ်ဆူၣ်အိၣ်ချ့ (National Library of Medicine (ထံလီၢ်ကီၢ်ပူၤလံာ်ရိဒၢးဘၣ်ထွဲကသံၣ်ကသီ) (NLM), 2016)
³ ခါခဲအံၤကီၢ်စဲၣ်အတၢ်မၤလၢပှဲၤထီၣ် Medicaid ပှၤစဲၣ်နီၤမိၢ်ဒၢဂ့ၢ်၀ီဂံၢ်ဘါသဟီၣ် လၢ လါနိၣ်၀့ဘၢၣ် 2022 (ထံလီၢ်ကီၢ်ပူၤဆူၣ်ချ့တၢ်သိၣ်တၢ်သီတၢ်တိာ်ကျဲၤ, လါနိၣ်၀့ဘၢၣ် 14, 2022)