“ခွဲးယာ်ကတြဲၤ” အခီပညီမ့ၢ်ဝဲနကြၢးဝဲဘၣ်ဝဲဒီး Medicaid ဒီး Medicare တၢ်အုၣ်ကီၤဆူၣ်ချ့တၢ်တိာ်ကျဲၤတဖၣ်န့ၣ်လီၤ. နကနၢ်ဟူစ့ၢ်ကီးတၢ်ကြၢးဝဲဘၣ်ဝဲတကလုာ်အံၤအဂ့ၢ်လၢတၢ်ကိးဝဲလၢ “DSNP ခွဲးယာ်တၢ်ကြၢး၀ဲဘၣ်၀ဲ” မ့တမ့ၢ် “Medicare SNP ခွဲးယာ်တၢ်ကြၢး၀ဲဘၣ်၀ဲ” စးထီၣ်ဖဲ တၢ်လိၣ်ဘၣ်လီၤဆီ အတၢ်ရဲၣ်တၢ်ကျဲၤကတြဲၤ မ့ၢ်ဝဲဒၣ် Medicare တၢ်ကဲဘျုးတၢ်ရဲၣ်တၢ်ကျဲၤတကလုာ်န့ၣ်လီၤ.

ဒ်သိးကတုၤထီၣ်ထီၣ်ဘးလၢ ဆူၣ်ချ့ဂ့ၢ်၀ီအတၢ်ရဲၣ်တၢ်ကျဲၤခွဲးယာ်ကတြဲၤ အဂီၢ် လိၣ်ဘၣ်တၢ်မနုၤတဖၣ်လဲၣ်. တၢ်သ့ၣ်ညါဝဲ တၢ်တိာ်ကျဲၤသ့ၣ်တဖၣ်အံၤ ဒ်အမ့ၢ် တၢ်လိၣ်ဘၣ်လီၤဆီအတၢ်ရဲၣ်တၢ်ကျဲၤကတြဲၤန့ၣ်လီၤ. နစံးဆၢဝဲဒၣ်တၢ်သံကွၢ်လၢလာ်တဖၣ်အံၤလၢ “မ့ၢ်” ခဲလၢာ်မ့ၢ်သ့န့ၣ်, နအိၣ်ဒီးခွဲးယာ်တၢ်ကြၢးဝဲဘၣ်ဝဲဒီး ဆူၣ်ချ့ဂ့ၢ်၀ီအတၢ်ရဲၣ်တၢ်ကျဲၤခွဲးယာ်ကတြဲၤ အံၤန့ၣ်လီၤ.

Medicaid ဆူၣ်ချ့တၢ်တိာ်ကျဲၤလၢနကီၢ်စဲၣ်အဂီၢ်ဘၣ်တၢ်သုးကျဲၤအီၤခီဖျိနကီၢ်စဲၣ်ပဒိၣ်န့ၣ်လီၤ. တၢ်ဘျၢတဖၣ်လၢတၢ်ကြၢးဝဲဒီး Medicaid အဂီၢ်ဒိးသန့ၤထီၣ်သးလၢနကီၢ်စဲၣ်အဖီခိၣ်န့ၣ်လီၤ. မ့ၢ်နဒိးန့ၢ်ကျိၣ်စ့ဂ့ၢ်ဝီတၢ်မၤစၢၤဒ်အမ့ၢ် supplemental security income (SSI) (တၢ်မၤဆူၣ်ထီၣ်တၢ်ဟဲနုာ်အတၢ်ဘံၣ်တၢ်ဘၢ) ဧါ. နတၢ်ဟဲနုာ်မ့ၢ်စှၤန့ၣ်, နကကြၢးဝဲဘၣ်ဝဲဒီး Medicaid န့ၣ်လီၤ.

လၢနကဃုထံၣ်န့ၢ်ဝဲဒၣ်မ့ၢ်နကြၢးတကြၢးလၢတၢ်ဒိးန့ၢ်ဘၣ် Medicaid ဖဲနကီၢ်စဲၣ်ပူၤသ့အဂ့ၢ်, သမံသမိးကွၢ်ဒီးနကီၢ်စဲၣ် Medicaid အခၢၣ်စးကရၢတက့ၢ်. နကထံၣ်ဝဲဒၣ်ပှာ်ယဲၤသန့အ link လၢအဒုးနဲၣ်ဝဲဒၣ်နကီၢ်စဲၣ် Medicaid ခၢၣ်စးကရၢဖဲ “Plan Details” ကဘျံးပၤအလိၤလၢပဆူၣ်ချ့တၢ်တိာ်ကျဲၤတခါစုာ်စုာ်အဂ့ၢ်န့ၣ်လီၤ. လၢနကထံၣ်ဝဲဒၣ်ဆူၣ်ချ့တၢ်တိာ်ကျဲၤတဖၣ်လၢပဟ့ၣ်လီၤမၤစၢၤဖဲနလီၢ်ကဝီၤပူၤအဂ့ၢ်, ဝံသးစူၤဃုကွၢ်တၢ်တိာ်ကျဲၤတဖၣ်ဖဲနကီၢ်စဲၣ်အပူၤတက့ၢ်.

Medicare မ့ၢ်ဝဲထံလီၢ်ကီၢ်ပူၤဆူၣ်ချ့တၢ်အုၣ်ကီၤတၢ်တိာ်ကျဲၤလၢတၢ်သုးကျဲၤအီၤခီဖျိကီၢ်စၢဖှိၣ်ပဒိၣ်န့ၣ်လီၤ. မ့ၢ်ဝဲလၢပှၤသးနံၣ် 65 နံၣ်ဒီးဆူဖီခိၣ်အဂီၢ်, ဒ်န့ၣ်သိးပှၤတနီၤနီၤလၢအသးနံၣ် 65 နံၣ်ဆူဖီလာ်လၢအအိၣ်ဒီးနီၢ်ခိက့ၢ်ဂီၤတလၢပှဲၤတနီၤနီၤန့ၣ်လီၤ. လၢကကြၢးဝဲဘၣ်ဝဲဒီး Medicare အဂီၢ်, နကဘၣ်မ့ၢ်အမဲရံကၤထံဖိကီၢ်ဖိ မ့တမ့ၢ် ပှၤအိၣ်ဆိးဖိးသဲစးလၢအမ့ၢ်ပှၤအိၣ်ဆိးဖဲကီၢ်အမဲရံကၤအပူၤအစှၤကတၢၢ် 5 နံၣ်န့ၣ်လီၤ.

Medicare အကူာ် A မ့ၢ်ဝဲတၢ်ဆါဟံၣ်အတၢ်အုၣ်ကီၤန့ၣ်လီၤ. Medicare အကူာ် A ကျၢၢ်ဘၢဝဲဒၣ်တၢ်မၤစၢၤတဖၣ်လၢနဒိးန့ၢ်ဘၣ်အီၤဒ်ပှၤဆါလၢထီၣ်တၢ်ဆါဟံၣ်ဖဲနအိၣ်ဖဲတၢ်ဆါဟံၣ်ပူၤအကတီၢ် မ့တမ့ၢ် တၢ်ကူစါအလီၢ်လၢအိၣ်ဒီးတၢ်အံးထွဲကွၢ်ထွဲအတၢ်သ့တၢ်ဘၣ်န့ၣ်လီၤ. Medicare အကူာ် B မ့ၢ်ဝဲကသံၣ်ကသီတၢ်ကူစါအတၢ်အုၣ်ကီၤန့ၣ်လီၤ. Medicare အကူာ် B ကျၢၢ်ဘၢဝဲဒၣ်ကသံၣ်သရၣ်တၢ်မၤစၢၤတဖၣ်ဒီးတၢ်ဒီသဒၢကွၢ်ထွဲန့ၣ်လီၤ. ခဲလၢာ်တပူၤဃီ, တၢ်သ့ၣ်ညါစ့ၢ်ကီး Medicare အကူာ် A ဒီး B ဒ်အမ့ၢ် Original Medicare န့ၣ်လီၤ. မၤလိနၢ်ပၢၢ်အါထီၣ်ဘၣ်ဃး 4 Medicare အကူာ်တဖၣ်အတၢ်လီၤဆီလိာ်သးအဂ့ၢ်တက့ၢ်.

ခွဲးယာ်ကတြဲၤအတၢ်ရဲၣ်တၢ်ကျဲၤ လၢနဒိးန့ၢ်ဘၣ်အီၤသ့နၣ် ဒိးသန့ၤထီၣ်သးဖဲတၢ်လီၢ်လၢနအိၣ်ဆိးအဖီခိၣ်န့ၣ်လီၤ. နဟံၣ်အလီၢ်အိၣ်ဆိးထံးကဘၣ်အိၣ်ဖဲတၢ်တိာ်ကျဲၤခံမံၤအတၢ်အုၣ်ကီၤအလီၢ်လၢနကကြၢးဝဲဒီး ဆူၣ်ချ့ဂ့ၢ်၀ီအတၢ်ရဲၣ်တၢ်ကျဲၤခွဲးယာ်ကတြဲၤ အဂီၢ်န့ၣ်လီၤ. လၢနကဃုထံၣ်န့ၢ် UnitedHealthcare တၣ်တိာ်ကျဲၤကတြဲၤအလၢပှဲၤ® တၢ်တိာ်ကျဲၤလၢနဂီၢ်, ဝံသးစူၤ ဃုထံၣ်သ့ၣ်ညါတၢ်တိာ်ကျဲၤတဖၣ် ဖဲနကီၢ်စဲၣ်ပူၤတက့ၢ်. 

မ့ၢ်နကြၢးဝဲဒၣ်ဒီး Medicare ဒီး Medicaid ခံမံၤလိာ်ဧါ. ဘၣ်သ့ၣ်သ့ၣ်နကြၢးဝဲဘၣ်ဝဲလၢတၢ်ကြၢးဒီးတၢ်တိာ်ကျဲၤခံမံၤအတၢ်ကြၢးဝဲဘၣ်ဝဲဖဲလၢ-

• နကြၢးဝဲဒၣ်ဒီး Medicaid ဖဲနကီၢ်စဲၣ်အပူၤ
• နကြၢးဝဲဒၣ်ဒီး Medicare အကူာ် A ဒီး B (Original Medicare)
• နအိၣ်ဆိးဖဲ တၢ်တိာ်ကျဲၤခံမံၤအတၢ်ကြၢးဝဲဘၣ်ဝဲအတၢ်အုၣ်ကီၤအလီၢ်ကဝီၤပူၤ